原來我一直都係咁蠢同咁傻，一直都相信呢個人，但原來呢個人一直都在呃我，連分手後都仲要呃我，之前記得佢應承過我一樣野，係唔會帶其他女人返屋企，點知原來一早就已經帶左，仲要係我同佢一齊O既時候。

最近同我講話決定結婚係三個月前決定，仲要話有諗過同返我一齊TIM，點知原來兩年前就已經去左排期。其實我知道呢D野時真係好唔開心同好嬲。不過諗深一層我都叫做幸運，可以唔再對你存有任何感情了，亦知道原來你係一個大騙子，同埋係一個不負責o既男人，最衰o個樣係將所有罪名都落推在我身上，其實自己一早就背叛左我。最不幸都係我用左十一年o既青春去愛呢個男人，而家有人取替左我個位置了!

都唔知應該替她高興或者擔心，嫁著一個咁o既男人，最慘就係呢個男人仲話有掛住我，仲同我講她的不是同埋仲要呃住我，講真佢而家仲要呃我o既都係想留條後路比自己o者~~今日仲要搵借口打電話比我，所以我都唔知應該替呢位取替我位置o既人開心定唔開心好!

不過其實我真係想拎返d野，但我男朋友唔想我拎，我唔想佢唔開心，所以你唔比我就算了~你既然話要留來做紀念，咁就比你做紀念啦!

同你分手後七個月，呢七個月入面我好唔捨得你，不停咁掛住你，還渴望你會回來我身邊，攪到自己得到抑鬱病，住左醫院一個星期，之後仲要有成個月返唔到工，又食唔到野，足足輕左六磅，成個人瘦哂，仲要比我知道你要結婚，真係唔到我唔放低你了，我要用盡方法去忘記你，所以我選擇左同佢一齊，佢係我在酒吧識o既，其實都唔係識左好耐，佢問我可唔可以做佢女朋友，我好快就應承左佢，皆因我想佢去幫我忘記你，令我唔再諗起你。雖然我知道我咁做，對佢係好唔公平，但如果唔係咁，我真係唔知幾時先可以放低你!

而我希望你可以盡快比返d野我，同埋有d野我都想比返你，我唔想再對住呢d野，希望你明白，見埋今次後可能以後都唔會見咖la!

又開始作病了，頭重重同勁頭痛，今朝起身已經覺得係咁，想唔返工，但又收到個sms，係個同事話唔舒服請假，所以我一定要返工，返到公司又覺得勁凍喎，個頭就更加痛，仲覺得個頭好似慶慶地，好似發燒咁，所以我就去拎左2粒必利痛食，lunch訓左陣就覺得好似好左d咁。

唉~~~唔舒服我又諗起你，諗起你以前陪我去睇醫生，而家冇la~~~唉.............

痛愛

仍然難禁看著你這個壞人　有什麼的吸引
殘酷至此更讓我想靠近
心知要換個別人還是有人

如同前世欠下你的吻　還怎麼敢怒憤
已習慣親朋好友問我怎會為你等
學會講只因這種狠深得我心

喜歡你讓我下沉　喜歡你讓我哭
能持續獲得糟蹋亦滿足
喜歡你待我薄情　喜歡你為人冷酷
若是你也發現　你也喜歡虧待我
我就讓你永遠痛愛著我 (我願讓你愛上我更加多)

和諧甜美永沒有天意弄人　有什麼的吸引
誰待我好我就會不過問
偏偏踫著那壞人全部誘人

全球情侶故事也相近　寧願天昏地暗
要為錯的人傷過恨過　方算是勇敢
長世間不喜歡開心喜歡痛心

個胃同個肚都痛左成個星期有多了，每次食野o既時候都會肚痛同胃痛，又唔係咁想食野，越食就越小，有時食完野仲要肚痛到要去洗手間，今天朝早個肚真係好痛，攪住攪住咁，又要去疴，諗起就o黎去台灣了，再係咁落去點去台灣，所以逼於無奈咁去睇醫生，醫生話我可能飲左酒，刺激到個腸胃，攪到食物一接觸到d腸就會痛，叫我呢個星期唔好飲。其實我都唔想飲酒，但唔開心嘛，唔飲酒可以做d咩，o係屋企又會諗起佢，成日都掛住佢，唯有飲酒啦，而家又話唔飲得酒，咁點渡過呢d掛住佢o既時候???

阿妹話我呢期身體差左好多，唉~~~點會唔差，又冇胃口、又訓唔到覺，都唔知要捱到幾時，我d生活先會正常返

這個星期我同自己講，唔好再喊了，唔好再諗唔開心o既野，但點解我今朝會收到一封咁o既e mail???一封令我會再喊o既e mail，個心好痛好痛~~~好像她拿起一把刀刺穿我心臟，慢慢幫我放血，直至死為止.......我幾時先會死???

本身個胃在這個星期已經成日痛，加上睇完呢封e mail，令我個胃更加痛，點解仲要咁去傷害我，我還未夠傷嗎????

去了玩angel card，比了點啟示我 ，講d野都好準，另卡主人都開解左，講左一d野出o黎，令我突然叮一叮咁，但呢種叮一叮唔知會維持幾耐呢???希望我一掛住你時，我就會諗起呢個啟示啦。

我要振作，我要開始忘記過去，唔知做唔做到，但我會開始嘗試。

不過尋晚我去通完淋巴，又訓唔著了，其實我都係想好訓d先去做，但點解做完都係訓唔到o既???我d牙肉腫哂，塊面又出左d粒粒，唔好再訓唔到啦，好辛苦呀~~~

尋日早左收工去婦科醫生度拎報告，醫生話沒有我所懷疑的事，可放心，但有另一樣野存在左，這樣我又有點擔心，唔知會唔會影響到日後生育咖呢?醫生叫我再觀查住自己，如果再有咁o既現象就要去做詳盡檢查，希望冇事啦 ，真係有d驚。

都唔知係咪驚得滯，尋日睇完醫生後，對腳勁軟呀

初時跟你拍拖，真的很開心，你一星期會有2日來接我收工，仲試過好多我以前未試過嘅野，每晚唔同你傾過電話都會訓唔著，你仲講過話我好可愛，怪不知會咁多人鍾意我，又講過好驚會冇左我，記得呢句說話嗎?<一日不見，如隔三秋>我以前未聽過人同我講過呢句說話，係你同我講，那時真係甜到入心。第一年同你過o既情人節，你記得我送咩禮物比你嘛???係一個咸蛋超人錢箱，入錢入去眼會發光兼有聲，而你送比我份禮物係一隻音樂熊，而家隻音樂熊仲放o係我枕頭旁邊，但我送比你份禮物呢?你放左去邊???記得你點拖我隻手嘛?係行行下因為太多人，所以你就拖住我話，驚會走失，那時你隻手出哂手汗，同你拍拖3月個，你就叫我做老婆仔了，那時個心真係好甜，還記得你那時很緃容我，連家姐都咁講，但點解你而家唔再係咁，以前你講過，無論我做錯d咩，都會原諒我，因為我係你老婆仔，，你亦都講過，我太容易喊，但同你一齊我就唔駛咁堅強，因為有你會保護我，我係你老婆仔，你係唔會唔要我咖，但而家.......
以前我話想食o個樣野，你幾遠都會買比我食，那時真的很開心，覺得你對我好好。
第一次見你d親戚，係你阿婆生日，我記得我買左個金牌比佢，而那日你d親戚勁望住我，攪到我勁唔知點咁，拍拖4個月時，你有一次好似唔理我咁，攪到我喊左成晚，連飯都冇食度，o個一刻我好驚你唔要我，呢點原來我一直都冇變，你一話唔要我，我真係崩潰咁，喊到對眼一定腫，咁多年來，係得你一個會令到我咁。
待續......

真的很掛住你~~~

唱完k後，過左一排大家又約去大嶼山貝澳玩露營，那時我還記得我o地係夜晚入去，入到去咁o岩又搵到沙灘上面有個位可以紥營，有幾個男同學幫手紥營，有幾個就在整著個燒烤爐，開始燒野食，而我同家姐，還有一位女同學一同去洗手間，回來時更比警察查身份證，警察以為我o地係失蹤少女，我o地仲帶左d警察返o黎，一齊查埋你o地o既身份證，之後，我o地便一齊燒野食，講下笑玩下咁，玩到差唔多天光時，我就入左個營度跟幾個同學玩啤牌，而你就跟我家姐出左去行沙灘，那時有同學笑言，點解好似調轉左o既，點解你唔係同我行沙灘，而係同我家姐，那時我都覺得，係喎~~話哂都做過一日男女朋友，點解唔係同我行o既?到左天光了便等有船返出去，在搭船期間，因太眼訓，我又再挨住你訓，而你都有把頭枕在我頭上訓，感覺真的很像情侶。在這之後，我便搵到份精品店o既工做，而你就繼續讀書，聖誕節時我o地又相約上去其中一個女同學家中打邊爐，其間你在睇緊本"yes"，突然間講裡面有個人d字好似你，我便問邊個呀，寫咩咖，你就讀出o黎<每天愛你多一些>，然後就有同學串你，話你點解個個問都唔比人睇，淨係比我睇，仲要讀埋比我聽，那時我面都紅哂，後尾我o地就打麻雀，本來係我打緊，你話悶叫我比你打，我就比左你打，同學又串我，問我點解咁聽你話，那日你仲話我腳幼，著短裙會好好睇，唔知你仲記唔記得呢?
到96年o既除夕夜，因我要去睇倒數，便打電話問你借相機，一打通比你就問你記唔記得我呢個女朋友，你話記得，仲話恨左我做你女朋友好耐，o個時真係氹得我好開心，你仲叫我夜d打比你，我夜d有再打比你，但冇人聽電話。我便第二日即97年1月1日再打比你，諗住鬧你，點知你話等左我成晚電話，仲話來接我收工同同我食飯，那晚我就問你有冇女朋友，你話冇，我仲拎左你銀包睇下有冇女仔相，之後仲私自放左張自己o既相去你銀包，你o個時話好靚，唔知張相而家去左邊呢???你那晚仲話其實鍾意左我好耐，以前小學時個感覺唔深刻，到中三時個感覺就好深刻，仲話特登唔識女朋友，話自己好專一，o個時真係好開心，你會咁同我講，但點解而家會變o既???
就係咁，我同你就在97年1月1日開始拍拖了......待續

是否想起即使擁抱不再有反應
是否想起冬天不見叫你更高興
別忘掉陪著電話等你的處境
沒一次是你難受到竟哭醒

何必苦心交低一吻逼我去心領
何必好心施捨近乎殘忍的同情
在世上誰及我清楚你品性
忠於愛情　但不甘虔誠

離別了　大家好過　無心爭吵怎言和
我曾捱到為你覺得生死也可
遺憾甚麼　寧願祝賀
為承受你才明白愛是甚麼

全為了　大家好過　連講分手都諧和
愛人原要令到對方開心更多
鳴謝甚麼　常做好事的我
令你為逃避我而難受過

是否天資多麼高也不夠愛一世
是否懂得怎討好你便不懂自衛
在你淚流下曾經給你安慰
當初以為　是一種地位


請說話　是我的錯嗎　不講說話
曾活在你腳下　我的淚光浮出如彩霞　說話

離別了　大家好過　無心爭吵怎言和
我曾捱到為你覺得生死也可
遺憾甚麼　寧願祝賀
為承受你才明白愛是甚麼

全為了　大家好過　連講分手都諧和
愛人原要令到對方開心更多
鳴謝甚麼　常做好事的我
沒眼淚流下原諒你走過　該慶賀

還記得以前跟你住在一起，大家係以老公同老婆相稱，每日放工就會一齊食飯，食完飯返屋企，就算你有你上網，我有我睇電視，最終訓覺都會攬住訓，還記得嘛~~我每晚都要攬住你隻手去訓，常常都整到你唔舒服，不過你都會去遷就我，以前每朝我返工時，你仲訓緊覺，我都會望下你甜睡時o既樣，都會忍唔住鍚你一啖，那時我覺得好幸福，但估唔到而家會變成這樣.........你有後悔做這個決定嗎???我真係不忍這樣做，但我又可以怎樣呢???這個傷痛真的很深，我要記住呢種痛.......
今天下腹好痛，好似刺痛咁，放左工就同家姐一齊返屋企，行行下感覺有少許頭暈，仲有對腳有d痛，返到屋企見到對腳好似腫左，唔知係咪條根發大左。家姐男朋友買埋野食比我食，但我食左小小就已經冇胃口了，而且我覺得d味苦苦地，但家姐試過竟然話唔係，係我個味覺有問題???隔左陣我竟然嘔，真係好唔舒服，不過明天都會去睇醫生，唔知醫生會講咩呢???

今日晚上參加朋友o既婚宴，見到佢結婚真係替佢高興，望住佢o地註冊時，真係忍唔到流眼淚，不停咁諗，將來我個老公會係邊個呢???我將來o既婚宴都要好似呢個朋友咁搞得咁好，但我何時才可以結婚呢???諗到呢度又再忍唔住流眼淚。
當朋友敬完酒後有空檔時間就走埋o黎我度問我，究竟同你發生咩事，點解你會唔o黎，我都唔知點答佢，一聽到佢提起你，我又想喊，但我知呢個場合係唔可以喊，由其係朋友面前，唉........

成晚個肚不停咁痛，究竟發生咩事，點解會咁????

尋日在公司真係做唔到野，對眼又喊到腫哂，個個同事都問我係咪唔舒服，定係有咩事唔開心，個樣變成咁，可想而知我對眼真係腫得好勁，返到屋企，家姐細妹都有問我做咩，話好擔心我，但我唔想話比佢o地知，因為唔想佢o地更擔心我同唔想佢o地討厭你，真係可笑.....點解而家我仲要維護你???
晚上，跟左公公出去玩，係幫佢慶祝生日，公公見到我都問我做咩，叫我唔好咁樣，其實我出去都只係為左飲酒，諗住飲醉左可以咩都唔諗，可以容易訓著，而我都真係飲得幾多，但唔知點解好似一d醉意都冇，係咪唔開心時飲酒係唔會醉???返到屋企訓o係張床度，都如常地眼光光，又訓唔著了，唉.........
今天早上起床，就同家姐落街食野，其實我冇咩胃口，因我唔想家姐擔心(尋日我已經冇食野)，所以都同佢落街，但食左小小就唔想食，仲突然間好肚痛，要即刻返屋企，我驚又會在街上暈倒，而家個肚仲不停咁痛，發生咩事呢???會唔會係我尋日飲得太多酒???我可唔可以捱到今晚朋友個婚宴呢???

希望唔好發生我唔想發生o既事~~~~但呢件事如果發生左，我諗你會好開心

又再次成晚眼光光，訓唔著，一閉上眼就諗起你，好傷心，個心真係好痛，今日做左一個決定，我知我係好衝動，但你有冇諗過我點解要咁做???而你仲講句咁o既說話去傷我，我真係唔知應該仲可以點對你。我到達左崩潰o既狀態了。

其實我已經冇左生存o既動力了。

估唔到你真係唔搵我，已經過左第五日，你係咪真係有左第二個???定係已經唔再愛我，咁快可以將我忘記得一乾二淨???同你一齊差唔多11年，呢11年原來係咁兒戲。
有好多野都令我記得同你一齊時o既野，每次我去做瑜珈時，你會打比我問我做幾點，之後會楂車接我去，每日你總會有一個電話打比我問我同唔同你食飯。見到d e mail話訂澳門酒店有得平，我又會諗起同你去澳門o既時候，而家o係街我會周圍望下，睇下會唔會見到你拖住第二個或者自己一個人行???點解你好似消失左，係特登避開我定係咁o岩呢???好想打比你問清楚，但我怕個結果會令到我好唔開心，尋晚越諗就越唔開，之後又喊，我個心好痛呀，不停咁諗點解你唔搵我???喊到累就訓，今朝就覺得個頭好痛，個胃好仲好似抽住抽住咁痛，好辛苦呀~~~

一個人唔開心、傷心時，一病了就好難會好返，我病足成個星期了，星期日夜晚又開始發燒，到尋日發左成日燒tim。
星期六唔開心，唔想自己一個o係屋企，家姐同細妹都好擔心我，叫我唔好自己一個人，因為我一唔開心就會困住自己o係房諗野，越諗就越唔開心，之後就會喊，家姐驚我又係咁，所以約左表哥陪我食飯，之後就約左d人陪我唱k，但一唱<木紋>，我就忍唔住喊，<如果　一手鋸開枯樹　木不會發現痛 不過　日日澆水的我　覺得被挖空  如果　必須結束關係　難扮成從未栽種
讓我　數著年輪　這些年輪　我的心會痛　

畢竟那段如沐春風  早刻進百年長的信  在信中　圈圈緊扣　情感多深厚  前因　非因　錯種

分開簡單　抹去往事極難  幾多溫馨　燭光晚餐  難以用　斧頭一劈　叫畫面飛散  伴侶沒了　記憶會為患  倚星細語　抱月夜談
歷歷在目　錄下年鑑  來年樹倒　身影孤煙花散 年輪未可推翻　化不～淡

緣慳　但是人非草木　並不會太易慣  刻個木造的心給我　痛苦未會減  情願　舊事連根一拔　忘滅如燃盡的炭  但我數著年輪　幾圈年輪　已經濕了眼　wo

分手與又平復之間  少不過百年零一晚  就怕翻風的一晚
回首貪一眼　回憶急速擴散>

星期日夜晚又發燒，個感覺覺得好似冇人理我、冇人關心我咁，好唔開心，越諗就越唔開心，又再喊。有諗過去睇急症，但又驚要入醫院，因我o既症狀係新聞講o個d流感，星期一冇返工，因為仲發緊燒，去睇醫生時，醫生叫我如5點都仲發緊燒就要即刻入醫院，但其實我一直都好似冇退過燒咁，不過我都冇入到醫院。究竟我個病幾時先會好返???

我公司除左我老闆外，仲有2個賤人，呢2個賤人都係男人，一個我稱呼為蟑螂，另一個我叫佢做老鼠。
呢隻蟑螂成日一返到香港公司開會，就會搵機會去誣衊我，但成日都係佢自己講，之後我都會搵到証據去為自己平反，老闆都開始唔聽佢講野，我都只係公事公辦，佢就覺得我係為難佢，佢大陸d下屬又做唔到野，成日做錯野喎，話下佢o地又唔得o既，佢痴線到同老闆講，話佢d下屬唔係人o黎o既，我d 下屬先係人o黎o既，都傻傻地，我d下屬都會做錯野，但十次得一次囉，佢o個d十次有九次都係錯，仲要係交野比我咖，成日錯梗係要鬧下咖啦，我容忍度已經好高咖la，佢錯第九次我先開口鬧。
講到隻老鼠就真係黑人憎到爆，一直佢都唔係好妥我，原因係因愛成恨，以前追過我，但我冇同佢一齊，所以就一直都針對我，又話我唔幫佢整野，最近佢打返公司好惡咁同事講，鬧我亂講野，話我同大陸個同事講話冇呢樣產品，叫同事教我點睇d野，唔好亂咁同人講野，話唔知就問下人，之後同事同將個電話飛左比第二同事，跟住就話比我知呢件事，同一時間，大陸個同事問我有冇呢樣野，我就問你係咪要，你要我就send比你，但我就絕對冇講過話冇呢樣野，我聽到個同事咁講，就即刻叫第二個同事同老鼠講完個電話就飛比我，我即刻問隻老鼠咩事，佢只係講大陸個同事唔知有呢樣野存在，咪打返o黎叫同事搵下囉，我就話，唔係喎，阿邊個話我知你話我同大陸同事講話冇喎，佢即刻口都窒埋咁話 : 冇...冇...你冇錯，唔..唔係你問題，你誤會左la，只係想你幫下手教大陸d同事點搵呢樣野o者，你放心，絕對唔係你有問題。之後尋日大陸個同事同我講話有個大陸客d貨有問題，咁我之前叫佢搵老鼠跟，個同事就話老鼠跟左la，而家問應該點做喎，咁我就叫佢叫老鼠直接搵阿姐處理，點知轉頭隻老鼠打比我，講返個情況比我知喎，個意思就叫我同阿姐講，我就話點解你唔直接同阿姐講，萬一阿姐問我件貨有咩問題，我答唔到咖喎，我又冇o係現場睇過件貨，同埋開會講到明，大陸d客有咩問題係你去處理，之後同阿姐傾睇下點處理咖嘛，同埋應該係搵個當時人直接對話，點解要浪費咁多人o既時間，佢好唔忿氣咁叫我駁比阿姐，之後佢又打返公司同同事講話我咩都唔跟，真係嬲到我死，呢樣野唔係我去跟咖，我點跟呀，之後我同返經理講呢件事，跟本就唔係我唔o岩，個個都話我冇錯，件事唔係我做o既，咁我可以跟咩?我同經理講，叫佢唔好再係咁誣衊我，我根本冇做錯。
都唔知係咩男人o黎咖，o係我面前就扮死狗，同其他人面前就話我唔跟野，做錯野，不知所謂，正一死賤人

呢首o既歌詞實在太好la~~~愛在記憶中找你~~~~
我對你  這一生  哪個可比
我與你  差一些  永遠一起
邂逅時間場地  似連場好戲
要自何頁說起 Wow Ho

愛太重  深呼吸  欠缺空氣
愛太美輕輕的  卻載不起
愛情來到時候  似明媚天氣
它走了  突然驟變雪落雨飛

如果可以恨你  全力痛恨你
連遇上亦要躲避
無非想放下你  還是掛念你
誰又會及我傷悲
前事最怕有人提起  就算怎麼伸盡手臂
我們亦有一些距離

你太遠  該怎麼  說對不起
你太近  一轉身  卻已高飛
快樂也許太短  似場流星雨
一眨眼  就如幻覺怕又記起


我情願我狠心憎你 我還在記憶中找你

最近公司d氣氛唔係咁好，個個人諗野都怪怪地，早排公司定左放年假時間，大家聽到後有部份o既同事表示不滿，話今年放得太長la，因公司o既規定係扣大假o既，年假放得長就表示大假扣得多，所以有部份o既同事好唔開心同表示不滿，但公司年年都係咁咖la，咁邊個叫我o地係做廠d生意喎，新年o既時候d廠都放假咖啦，咁都冇咩野做，公司就梗係想我o地一齊放咖啦，都好正常，同埋有好多公司都會係咁咖，我入職頭o個一兩年，都覺得唔開心，但而家都慣啦，唔明點解d同事仲唔慣，仲要講d野好負面。
而就因為有個同事反映d不滿聲音比我阿頭聽，唔知佢講左d咩，攪到3位高層要開會，之後就話要我o地要開會講下大陸o個邊d野喎，本來叫d人開會都好正常，但唔知點解叫左個唔關事o既人一齊開會，佢都冇份做大陸d野，點解要一齊開會，我o地講d野佢都唔明咖啦，會計經理話可能想佢幫手做大陸d野，我聽到後即刻反對，一來我唔想咁多人接觸大陸o既野，二來我控制唔到呢個人，我唔想大家傷到朋友o既感情。
開會o既時候d高層勁話想點點點做，大佬呀，實則做野o既唔係佢o地，佢o地就唔好講d不切實際o既野出o黎啦，仲要勁浪費時間，成日都要成5點幾先o黎開會，唔駛收工咩，而家仲話要lunch開會喎，簡直就剝削我o地o既時間呀。

心情真係壞透了，呢排我好似變左大眾o既出氣袋咁，同事有咩唔高興，心煩o既時候，就向我發脾氣，我受夠la，唔通我一直比佢o地o既形象係隻綿羊仔，一隻唔識嬲、唔識發脾氣o既綿羊嗎?如果受老闆同阿頭o既脾氣，真係心甘情願，點唔開心都可以同自己講，份糧包埋咖，但點解我要受同事氣???
會計覺得煩，d數勁亂，就發脾氣，大佬呀，d數我都覺得亂，我夠覺得煩，但唔係我攪到咁亂咖，要發脾氣咪對住阿姐發囉，我仲要想盡辦法幫你去令到d數清楚d，我夠煩啦，咁我可以同邊個發脾氣???
人事部自己忙，又發脾氣，我都只係問左佢一句野o者，講真公司d 位o既問題，我緊係要問你咖啦，其實我可以同你阿頭講咖，不過我唔想你難做，比你阿頭知道件事講左咁耐，你都未去處理，到時係你衰咖咋。
cs發我脾氣話我唔幫佢，大佬呀我唔係d轉數好快o既人，阿姐突然間問我你o既野，咁我點答，我唯有照直講，但我都冇講你send sms比我話請假，即時我都有打電話講返件事比你知，點知你就發我脾氣，點解我要打比你o者，我唔想你第二日返到o黎比阿姐問到口啞啞，所以先打比你，如果我唔幫你，我就將所有事實同阿姐講啦，我駛打電話比你。
我當你o地係朋友，你o地就當我係出氣袋，受夠la~~一有咩唔開心就發我脾氣，講真講職級，我大過哂你o地，你o地有咩權去發我脾氣?今次我真係好嬲cs，所以我決定唔啋佢，已經有2日冇同佢講過野la，我要比佢o地知道，我唔係次次都可以忍讓咖，我都有脾氣咖，唔係你o地先識發脾氣。
有個同事意會到我唔開心，問我咩事，我講左比佢知，佢叫我唔好咁，何必為左d咁小o既事而另到大家攪成咁，而且大家仲係好朋友，我就覺得，就係因為大家係好朋友我先會咁嬲，對住好朋友可以亂咁發脾氣咖咩???我今次唔會咁易妥協咖。

等待o既感覺真係好漫長，明明只是過了幾個字，都覺得等左好耐咁，係咪因為無聊先會覺得咁漫長呢???

隻眼由星期六發現開始紅，到而家都仲紅緊，係爆左d微絲血管，好似有野拮左入隻眼度咁，本來自己都唔知，係阿妹星期六食食下野突然大聲叫，問我隻眼做咩，仲話好恐怖，我先照鏡先到，我諗可能係星期五喊過o黎，所以會咁。到星期日隻眼仲紅，仲大撻左，同埋有d痛，而星期一返到公司，d同事就問我隻眼做咩事，叫我去睇下醫生，我就落街去睇醫生，醫生話我隻眼發炎，話可能抹眼淚時有細菌，所以會咁，叫我滴下d眼藥水就會冇事。好彩只係少事o者，不過滴眼藥水其實都幾辛苦，滴完落隻眼度，之後就會流落個喉嚨度，有d難受o既感覺，希望隻眼快d好返啦，因為隻眼咁真係有d恐怖。

星期一因為一d事而比老闆鬧到喊，所以呢幾日心情都極度低落，今日一返到工，老闆就叫我打報價比人，但長安d人又話佢o地個報價好急，咁做緊長安個報價時，阿姐又走出o黎話有個客要調19種專色，但要明天交貨，又話急，j又打電話比我話佢個客個報價好急，樣樣都話急，我就得一對手，點做呀，真係忟死我。做緊老闆個報價時，j就不停咁打電話比我問我整左佢份報價未，我就發脾氣咁話，你認為老闆個報價急d定你份報價急d???

之後阿姐又不停咁問o個19個專色做成點，大佬呀，唔係我做咖，我都唔係睇住佢o地做，問我都唔知咖，同埋邊有可能一日內打到19隻色啫，都傻傻地咖，個客又唔係佢o既，個sales都未急，佢就咁急，做死人咩。

總之今日勁之煩燥啦

自上星期五做完瑜珈後，對腳就又痛又累，因星期五o個堂做左80下chair，即係分開對腳，之後曲膝坐低，但並唔係坐落地下度，而家大脾同地下係成90度o既，之後企返起身，再曲膝落去再起身，做左80下，初時做完只係覺得對腳痺痺地，點知落堂後，一起身行時，就已經覺得對腳勁累，我星期六落樓梯時，真係想喊呀，因個膝頭一曲，就覺得勁痛，到而家星期一la，先覺得好小小咋，但仲覺得痛，呢80下雖然話可以收到大脾d肉，但做完之後真係勁痛苦呀，導師仲話係要每日做80下喎，希望之後我做時，唔會再痛咁耐啦

早前真係沒有心情寫hompy，除左感情有問題外，工作上都有好多不如意o既事，真係令我氣憤非常，由其一到星期六，我就更加氣憤，唔係比人擺上檯就係要做埋d唔合理o既野，好似前2個星期六，d sales 同老闆開會，我就無啦啦比2個衰人擺左上檯，第一個正一狗賊o黎咖，次次都搵機會o黎做我，好彩每次我都醒目，有哂証據，証明自己係冇錯o既，而今次佢仲鬧我喎，話我d下屬fax d垃圾比佢，但佢所謂o個張垃圾係佢個客要求我o地幫佢填返d資料，咁見佢個客咪fax比佢囉，有咩問題呀，我想講野o既時候，佢就係咁勁講喎，我真係幾嬲呀，等佢講完後，我就好大聲咁問佢，你講完未呀，佢話講完，我就話咁我可以講得未?之後全部sales係咁笑，我講講下，佢又搭咀鬧喎，之後老闆就開聲鬧佢，又問佢講完未，可以聽得我講未，呢一刻我覺得我係贏左，因我冇同佢鬥鬧。而第二個人為求自已冇事，將件事推左落我度，佢係大陸o既阿頭，有咩事理應佢去承擔，真係衰到冇人有，初時就話我依足規矩做野，令到你o地d sale做唔到生意，而家你就話我睇漏野嘛，好~~我就同你跟足規矩做野，睇下邊個蝕底d，d貨係我話事比唔比o既，我一句唔批貨，我睇下你點做生意。

而呢個假期，除左星期六係同家姐、妹打麻雀外，星期日同一都去左做瑜珈，今日覺得個肚d肉有d痛痛地tim

看見你出post，我一邊睇個post一邊流眼淚，還以為你是我說的，但原來並唔係，我估錯了

今日原來諗住冇野做o既我，book左做瑜珈，諗住做2堂，由3點9做到6點3，點知2點幾o既時候，有個朋友打比我，問我有咩做，之後話想約我睇戲，話去睇"藉著寫真說愛你"，我連個名都未聽過，都唔知係咩o黎，但我朋友話我會鍾意呢套戲，所以就冇做第2堂瑜珈，因睇5點55分，套戲都幾好睇，美中不足係估到個結局係點，套戲去到最後有好多人都喊，特別係男人，而我就因為一句說話，我開始流眼淚，就係"你係我唯一o既愛情"，聽到呢句說話，我忍唔住眼淚係咁流。唉.........

之後同呢個朋友傾計傾左好耐先返屋企，佢比左d啟示我，但我做到嗎???而佢都有難題存在，希望佢可以大膽d去追佢心儀o既對象啦。

這陣子常常唔舒服，發燒都發左２日，退燒後就一直頭暈暈，好想嘔，又多痰，講多２句就聲沙沙咁，今日有同事同我講，冇愛情滋潤o既人，抵抗力會特別差，而回家跟家姐傾談時，佢都係咁講，唔通我都係咁???唔通真係冇左愛情，會特別容易病???

其實我覺得你而家會緊張我多d，以前你擁有我，好似好多野都覺得理多當然咁，你唔會咁就我，但而家你會好緊張我，好就我，咁點解當你一擁有我就會變哂o既???

今朝返工時勁大雨，攪到我半對腳都濕哂，成對鞋好似變左水鞋咁，好彩公司放多左對鞋o係度，所以一返到公司就換鞋，到放工對鞋都未乾透。
今日o係公司都覺得頭暈暈，所以計數訂貨都好似比平時慢左d，而kc同我講話尋日請左個男仔做shipping個位，唉~~~我今個月先教識rk做大陸上貨d野，但而家又話唔要，即係我又要教o個個男仔做啦，其實教都唔係問題，最驚佢跟唔到d野，又推返d野出o黎做，咁就真係唔得佢死，一諗起要帶個男仔落貨倉就勁唔開心，點解每次新人o黎，都係我帶落貨倉???我今日同會計經理講，我唔帶個新男仔落倉咖，要帶就你帶啦，佢只係笑下咁行開左。
晚上７點幾家姐打比我話約我食飯，所以我就收工出去同佢食飯la。

原來你一直都介懷o個d野，一直都放唔低，咁點解你仲要同我一齊o者，你記唔記得你應承我d咩???其實都唔只應承左一次，幾次la，我都選擇去忍，但今次你已經去到我個底線，你認為我還會選擇忍嗎???
你話我做野唔諗後果，咁我出事la，你比我感覺就係就手旁觀，試問你真的愛我o既，會咁做咖咩，講真你真係愛你自己多d，你唔能夠將我放o係第一位，我講過要計較o既愛情，還算愛情嗎???
其實有冇覺得大家o既目標好唔一致???

究竟自己想點???既然唔捨得，就要接受，但我又真係接受唔到，咁可以點???就算我逼到佢去做我要求o既野咁又點???
我係會開心，但到頭來我接受唔到o既野都係會發生，咁到時我又點???

其實你係咪真係可以做得到???好矛盾呀

我覺得你愛你自己多過愛我

我.......究竟可以點???離開你，我好痛苦、好傷心、好唔捨得。
維持原狀，我又驚會不停為左呢d事去嗌交，我又係咪真係可以接受到你未來都係咁對我???

你話最愛o個個都但難以終老，我係你最愛嗎???但點解大家要攪成咁???

尋日有朋友打電話比我，聽到我把聲唔開心就問我係咪同你有事，我一講又忍唔住喊，始終我係放唔低，但我又可以點???家姐話如果我真係放唔低，就要去接受你之後都會咁對我，但我又真係可以接受嗎???

今日起身時覺得個頭勁痛，唔知係咪因為尋晚喊完，今日對眼又腫到好似睜唔大咁，又覺得頭暈暈咁，所以今日都係冇返工

每日一停落o黎就諗起以前d野，點同你一齊，同你經歷過d野，每一次o既離離合合，仲記得以前我喊時，你會攬住我叫我唔好喊，但而家我喊，你就鬧我，問我喊咩。

其實係咪已經唔愛我la???

好辛苦，每晚一返到入房就開始諗，一諗就開始喊，每晚都喊，喊到累就訓，每朝對眼都腫哂，個頭又痛，唉.....其實尋晚突然間想做一樣野，真係好想做呢樣野，但最後我個理智叫我唔好，如果我講比朋友知，佢o地實鬧我，點解要咁對自己，我自己都唔知點解，終於明白一個人o既時候原來真係會亂諗野。
我覺得呢首歌對我o黎講好貼切

明明在轉彎　你一叫　就馬上回頭
為何還在等　也沒人　求我別要走
樓梯轉角後　永遠是我的
小吵架以後　喘息棲身處
還　時時為你放慢走
預期十秒後會給拯救

頹然在梯間落淚　你在從前熱戀　定必跑過來追
體貼地扶我歸去
也及時認錯　發誓最深愛是誰
明明在等你來追
但回望不見搜索隊
心　經已逐級沉下去
做了幾年情侶　還是有一天淡下去

為人沒信心
我知我　任性又麻煩
時時排練的
假分手　難怪未過關
樓梯轉角後　我也在強撐
擔心你有日　終於睜開眼
才　明瞭未算太值得
盡情就我　但我竟這樣煩


頹然在梯間落淚
要是談情越久　越顯得淡如水
相愛但嫌棄相聚
下半生可以放心　倚靠著誰
情人若不會來追
是時候該決定也許　心經已受傷回不去
共你一場情侶　還是要忍忍再歸隊

發生左d事，一諗起就喊，幾時先可以平復???

今天和昨天一樣，心情極差，好想困住自己o係屋企，唔想返工，唔想見人，唔想做野，咩都唔想諗呀.........

但無奈現實係要返工咖，心情差o既時候，做野都提唔起勁，仲要o係呢個時候永遠都會有d人要同你作對，令你更加嬲，好想放幾日假呀，但無奈係唔得咖.......

這個星期都好唔開心，無論工作、感情同埋家姐o既問題係令到我好唔開心，有d問題好似解決唔到咁，係我冇用嗎???我諗都係我冇用咖la，咁簡單的問題，點解我一d都解決唔到咖呢???而家有2個問題困擾住我，究竟我應該點做???同事同朋友都比左好多意見我，當我立定決心o既時候，又有朋友出聲反對我，呢個時候我又覺得佢講得好有道理，唉.....而家極之迷惘，其實我只要解決左第一個問題，第二個就已經唔係問題la，但我第一個問題都未解決到，咁可以點。

想同家姐講少少野，其實我尋晚係唔舒服咖，個頭勁痛，好想早d訓，但記得你叫我要幫你搽藥膏落隻眼度，我就等你回家，好la.....等到11點幾，差唔多到12點，你先返o黎，仲要同你男朋友一齊，咁即係唔駛我幫你搽啦，你知唔知我o個一刻幾嬲呀，你知道唔駛我幫你o既，點解唔一早打比我呢???

激死我la，一早返工開msn就見到f生問我野，問我大陸有冇大罐o既貨，真係見到就火起，佢問左都好多次，而我亦答左佢好多次係冇o既，今日仲要問，佢係咪有老人痴呆症呀，我話 : 答多你好多次係冇咖la，仲要問，佢就話上個月親自車左d大罐o既貨返公司，仲講左句話 : 你估我係玩野咩。
咁佢仲唔係玩野，親自車左返公司咁就即係知道係有貨啦，仲要問我，而我即刻打去大陸問下有冇件咁o既事，但收貨o既人係唔知道咖喎，亦同我冇收過大罐o既貨，咁我同f生講返啦，佢就話自已問下先，之後就叫我下次上貨要上d大罐貨，但如果上呢d貨都起碼要等半年，佢就話等唔切，我上個月上貨時已經問過佢上唔上貨，佢自己話忙，冇時間攪唔上住，而家o黎同我講等唔切，要我又再幫佢上貨，整一整呢d貨好麻煩，會攪我好多時間，上次又唔上，而家先上，咁仲唔係玩野，嬲死我la。

我個心而家仲頂住頂住呀

原來家姐覺得係我問題，係因為我而令到大家越來越難相處，冇錯大家o既觀點與角度唔同，有d野真係好難要我去認同，我容忍o既能力已經到勁限咖la，問題一早已經傾過，當時係你自己應承我會做得到，但原來唔係o既，仲變本加厲，我再忍，真係到忍冇可忍我先同你傾o者，如果我唔理你o既，我一早走左啦，講真如果間屋係你自己一個人住，你真係可以點就點，但而家唔係嘛，我唔可能長期忍受間屋多左個人o既存在，其實我一早就唔開心，可能你會覺得你咁做係冇乜野，但正如你自己講每個人觀點與角度都唔同，你覺得冇野唔等如我覺得冇野，你明唔明???仲有你話有理由咁做，但我話你知，我做野都有唔開心，返工都有受氣，會好忙，都好大壓力，唔係淨係你一個人先會咁。
你估我真係想唔一齊住咩，我都有諗過你係咪真係負擔得到，如果我唔諗你，我唔駛同你傾，我一開口就話搬啦，不過既然你有咁o既決定，希望你真係諗清諗楚先同我講，我唔想你第時先o黎後悔。

尋日叫左業主搵人上o黎睇下我間房o既冷氣機，因部冷氣機勁嘈，嘈到我每晚都冇得訓，咁師傅上o黎睇左，話應該係個摩打鬆左，所以會嘈，但業主個屋企人話如果部冷氣係夠凍o既就唔會換個部，我就話但勁嘈喎，嘈到訓唔到喎，佢o地話冷氣舊左就係咁咖啦，除非係唔夠凍。真係激死我，今日我就打比男業主，問佢係咪要局我搬，仲問下佢如果部冷氣爆炸咁點先，都離哂譜咖。

m小姐尋日又冇返工la，真係病得咁嚴重???感冒咋喎，星期四11點就走左，星期五冇返工，星期一又唔返工，話未病好，真係咁嚴重，星期五休息左一日都唔夠，星期六都係返左半日o者，放工如果真係唔舒服，應該係返屋企休息，而星期日都係o係屋企休息咖啦，咁抖左咁多日都唔好，有冇理由呀???仲要佢上幾個星期都係逢星期一就唔返工，真係逢星期一都病???定係星期日玩得太夜而唔想返工呢???老闆已經放哂風聲話想抄佢，佢仲係成日唔返工，係咪真係博抄???
月頭月尾就係公司特別忙o既時候，仲要而家shipping o個邊未接到哂d野做，我就更加忙，佢仲要成日唔返工，係咪想做死我，尋日真係做到嬲嬲地，有同事行埋o黎我度問野，我都問佢唔得閒呀，遲d先問啦，個個都驚左我，但冇計，真係好嬲，所以我快定今日等m小姐返工時問下佢想點，係咪想唔做，係就快d辭職，真係唔好浪費大家o既時間，我寧願請個新人返o黎教下，起碼博個新人會返工先。

呢排日日返到公司都好似打仗咁，朝朝一食完早餐就開始好急忙咁做野，加上今個星期二係假期，放左一日假仲慘，因大陸係冇假放，所以星期三返到公司就真係想死，d大陸單多到真係想撕爛哂佢唔理，但又唔得咁做，唯有放埋一邊先，做左出口貨先啦，我下星期三要出貨上大陸，但我都仲未比數量貨倉執貨，以前規定左開船前９個工作天要比到資料貨倉，但今次我實在太忙，所以星期三先開始做呢樣野，今次仲要做埋cepa d貨，真係驚驚地，因我係第一次做cepa，仲要係冇教我，我要自己慢慢摸索呢樣野點做，原來我要上網申請左張C.O先，o係申請呢張C.O時真係攪到我頭都大埋，有d野唔知點填，好彩可以打去貿易通問，但我就打左好多個電話問，好彩每次都係唔同人，如果唔係一定覺得我好煩o者，星期三整好份C.O後就send出去啦，諗住星期四返工再打埋另外一份文件再send上去啦，點知我星期四開唔返個co file喎，攪到我要再重新打過一份c.o 申請表喎，咁就攪左我一個上午la，之後又要做第二份單，係追銀行拎文件，比我去船公司轉單，呢２日就勁做shipping d野，老闆都問我熟哂未，而家真係又唔識變到識la，今日收到政府個信息話批左我申請o個份c.o，真係幾開心呀，終於攪掂左張c.o la，估唔到我自己可以攪掂呢d野，仲要係冇人教過我喎，真係有小小成功感，開始覺得我就o黎樣樣都識做咖la，就o黎變身做萬能俠la.............變.....身...........公司萬能俠!

唉~~~但今日做返大陸d野時，見到d單堆到幾多，真係見到都驚，仲要我未幫大陸訂貨呀，真係死la~~~希望今日訂，d貨會o黎得切啦，如果唔夠貨賣，我就死la，顧得香港就顧唔到大陸，點算呀~~~~~~~~~~

已經好多野要做，諗住放手比d野大陸d同事跟下，點知原來係唔可以放手咖，要一直都要睇住佢o地有冇出錯咖，真係激死我la。
平時我會安排貨送比佢o地，而家就叫佢o地自己安排，自己要幾多貨就同c講，c會安排比佢o地，點解會搵c做呢d野，係因為佢平時幾幫得手，而我亦叫過佢有野咩問題，都要同我講，點知佢原來係冇睇個倉d貨淨幾多，人o地話要幾多就比幾多人，就算有客訂貨，見到得咁小貨，都冇理由出哂d貨啦，而家仲要唔係客訂，係自己公司o既第二間廠要貨，但第二間廠係可以用第二種野代替咖喎，仲要6月先會有大貨到，如果佢一早話我知，我一定唔會比貨呢間廠，起碼我而家都有貨買比其他客，而家到冇貨先o黎同我講，有鬼用咩，係咪要我自己做返哂所有野先得。

而家shipping仲話要抄人，o岩o岩先交接左d野比佢，而家話要抄佢喎，玩咩，但其實佢做野係冇問題咖喎，只係同新請o個個clerk唔夾，咁就話要抄人，我都唔明點解唔抄新o個個clerk，而要抄佢，都唔知d人諗咩野咖!

點解我會咁黑仔咖，家姐幫我將隻game(應援團2)入落部nds度，點知一入落部機度，成張R４卡壞左，冇哂d game，但家姐都有入呢隻game比自己，但佢冇事喎，而我張卡就壞左，後尾要將我張卡重整過，要將d game重新入過張卡度，我以前d save冇哂la，唉~~~真係黑仔成咁呀......

人越大越難去捉摸愛情，人大左仲覺得好難控制自己o既情緒，有唔開心就好易喊，記得以前細過，爸爸唔鍾意見到人喊，所以就算比佢打得幾痛，一滴眼淚都唔敢流，但而家比老闆鬧大聲d，我都忍唔住會喊，而感情事就更加唔駛講，同男朋友o既問題，已經差唔多２個月la，前日大家又爭吵，好辛苦，好辛苦，忍唔住我又喊，喊到對眼腫哂，第二朝返到公司，比同事見到一問起，我又喊，就算而家一諗起，我都喊，點解.......

要計較o既愛情，還算愛情嗎???

今日去睇左呢套戲，覺得都幾有意思，戲入面最後有話 : 睇到o既野唔代表係真!有好多野係真係唔係睇表面，好似鄧麗欣見到張敬軒拖住個女仔，以為佢有女朋友，但原來唔係，咁樣就白白失去左大好o既機會。有時睇表面係冇用，有好多野都係誤會，凡事要攪清楚先。

呢排我有d唔開心，唔單止工作上，連感情上都唔開心，同男朋友o既問題都唔知可唔可以解決到，最近佢send左篇野比我，題目係 : 葉子的離開，是因為風的追求，還是樹的不挽留???

好黑仔呀，唔見完電話後，做咩都好唔順利，放假前發生左件事，令到我比老闆鬧，呢件事都係關於大陸o既同事，如果佢o地醒目d，我就唔駛比老闆鬧，仲要唔駛比人串，之後令到我做左件極之內疚o既事，放假都要做公司o既野，玩都玩得唔開心，日日都要擔心公司d貨o黎唔o黎到，復活節假又有件事令我極之唔開心之後我去左黃大仙求簽，唉......原來我今年係好黑仔，而家仲未係最黑o既時候，有d仲黑o既野仲未發生，工作方便要少說話多做事，無論關唔關我事，我都唔可以出聲，一出聲我就會出事，分分鐘連份工都冇埋，呢排我都覺得係咁，每件事我一出聲，就一定會比人鬧，真係唔知點解會咁，而感情方面就……..，不過下半年就會好返d，本來我都冇諗住信，但解簽o既人講o既野真係好準，真係唔信唔得，放完假返工la，係超多野做，d電話多到爆，又因為公司o係大陸有冇展覽做，抽走左d同事上去，變左忙到我同m小姐傻咁滯，之後又發生左d事令我極之煩惱，我發覺點解我呢個職位要兼顧咁多野，連shipping o野我都要理埋，尋日同個supplier嗌交tim，真係離譜咖，我比張訂單佢訂貨，佢貨送左比我，我亦送埋比個客，而家先o黎同我講單價貴左３蚊喎，我３月比訂單佢，如果個價錢唔o岩係咪應該一早同我講呀，點會而家先o黎講咖，而且個單價係我經理話我知，佢竟然話係我經理有問題喎，佢公司唔會報呢個價比我o地喎，我就問佢會唔會係佢老闆冇話佢知報左呢個價比我經理呢，我又即時問唔到經理，因佢上左大陸做野，我就同佢死抝，叫佢今次一定要比返呢個價我，佢話冇可能喎，我話係佢自己唔睇清楚我張訂單o既價錢，你唔出聲我就當你同意呢個價錢咖啦，仲要出埋貨比我喎，佢竟然話佢公司一日十幾張訂單，邊有時間續張訂單睇價錢o岩唔o岩，我話 : 嘩~~~呢d係係公司o既問題，我公司一日點只收十幾張訂單，四十幾五十張訂單啦，我公司都係咁check d價錢，一有唔o岩就會通知d客，睇下佢仲要唔要d貨，並唔係唔理價錢照送貨，我同佢講 : 我同你訂貨係接受呢個單價先訂，而家貴左我係咪可以退返貨比你，佢竟然叫我退貨喎，都唔知咩公司o黎咖，簡直係無賴呀，之後佢叫我有咩問題就搵佢老闆喎，我就即刻叫佢駁個電話比佢老闆，佢就開始驚la，唔肯駁線，勁叫我搵我老闆同佢老闆講喎，我話唔駛呀，我自己同你老闆講呀，之後佢就話老闆唔o係度喎，驚就唔好咁大聲同我講野啦，有咩理由我比生意你做，仲要受你氣咖。之後比我搵到佢老闆個手機號碼喎，一初諗住自己打過去，但一諗到要少說話多做事就打消呢個念頭，我就打左個電話比阿姐，佢就話我唔駛同佢o地抝，呢間supplier o既老闆原來有send e mail比阿姐，真係有報個價，之後我send返呢張e mail比呢位小姐，佢收到後即刻死哂咁，勁好語氣同我講唔好意思，如果佢肯問老闆o既就唔駛抝咁耐，我都話唔係我阿姐有問題咖啦。

唉......今晚就要上東莞過夜，因明早9點要o係廣州搭飛機上上海，要到星期日先返o黎，仲要比我知道日日都要對住老闆呢個咸濕佬，真係勁驚呀，佢好似特登安排o係廣州飛咁，一早都知要去咖啦，點解唔一早book定機票，臨急臨忙先o黎book，攪到香港冇哂機位，要o係廣州搭飛機，最慘就係d機票又唔係特別平喎，無啦啦要人今晚就要上東莞訓，仲要比我知道係同佢同一間酒店喎，另外個男同事就第二間酒店喎，我就仲驚，而個男同事同我講，我只會逗留o係工廠一日，第二日就會同老闆出返上海，而佢就繼續逗留o係廠到星期一先返，仲要同老闆住埋同一間酒店，而男同事都係住第二間喎，真係過份呀，真係有咩事都唔可能求救，不過我會盡量小心，要防範呢個咸濕佬。
諗起都勁嬲呀，佢好似有陰謀咁，基本上我上到去都冇野做，都唔知叫我上去做咩

一直都想剪頭髮，因長頭髮真係陪伴左我好耐，想剪短D，但因我條頸太長，如果剪到過頸，就會唔好睇，所以諗住剪到膊頭位之後電左佢，諗左3個星期，問左好多人o既意見，個個都話電頭髮就梗係長髮電先好睇，短髮電會好怪同好師奶，真係攪到我十五十六呀，最終上星期六，我去左剪頭髮，之後再問問髮型師，我適唔適合電曲髮，佢話都ok o既，所以我就剪短d頭髮電la，其實都唔算好短，電完d頭髮都過膊頭，初時我就唔係好慣，望落去有d怪怪地，跟住我就叫左個朋友出o黎食飯，佢一見到我就話，我電得幾好，我問佢會唔會電左個樣成熟左，佢話其實係可愛左同潮左，真係幾開心呀，不過返到屋企，家姐o既評語就唔係咁好，佢話好怪喎，攪到我又有d失落，而今日返到公司，個個同事見到都一致好評，個個都話我電得好睇，話換下新形象令到大家都好有新鮮感，而老闆仲話我靚左好多，真係開心呀~~~

尋晚放工，我就約左家姐食飯，咁佢就去襟錢喎，我就出左去出面睇野啦，跟住我就聽到有個女仔好勞氣咁同男朋友講緊電話，內容係咁 :

女 : (好嬲咁)點解要我就你，點解成日都係我就你呀，你大d呀???個個男人都識就女人咖啦，點解你會唔識呀?
之後內容都係吵吵鬧鬧咁，跟住我就見到男主角出現，男人就個女人啦，但佢o地一路行就女人就一路發脾氣，之後就行出左我視線範圍la。

我覺得個女人講得幾搞笑，點解要就你，你大d呀，其實我都幾想笑出聲，之後個女人講個個男人都識就女人咖啦，我就開始諗，係咪真係個個男人都識就女人呢???不過其實我都知唔係，因為.....唉

呢幾日心情都唔好，為左一d野而開始冷戰，真係要唱返首王菲o既冷戰 : 相對不發一言似是你共我有了默契永不要幼稚的罵戰，但表情彼此表情稍稍地暗示這是冷戰 - 破裂過厭棄過怨過傷過變過你我卻永遠怕說破，冷戰再冷戰再冷戰，一錯再錯我卻愛上這個錯

唉.......呢幾晚唔知點解都訓得唔好，又發埋d奇怪o既夢，又病、工作上又唔多順利，好似叫個同事報個運費，我講到明係要16-24公斤，話係要報返比個客，點知佢就報個平價比我，攪到我報左出街，個客又訂貨，又訂唔夠個數量，所以運費貴左，唉.....可能又係我講得唔清楚，但唔係應該有common sence咖咩，同佢講返，佢竟然覺得冇咩野咁，不過咁又係，就算老闆鬧都唔係鬧佢，都只會怪我唔問清楚就報價，今次一定比老闆鬧，但我又唔可以話佢喎，真係以後同佢做野要勁小心，要講得清清楚楚，如果唔係好似今次咁就真係死十次都唔掂

今日開始放假la，放到年初六先返工，本來年年公司除左年初一至三冇人返工之外，其如時間都可以選擇返工或者放假，往年我都會選擇返工，因太多野做，平時都唔會有時間做filing，所以往往都會o係呢d時間返工做filing，但今年因為有２位同事話唔想扣假一定要返工，但又冇野做喎，比老闆知道，就好強硬話唔比任何人返工，唉~~~我就見住２大幢filing都冇得清la，唉~~~唔知幾時先可以清到d filing，而今日老闆都叫左幾位同事返工開會，本來冇我份，因阿頭冇叫過我返，但老闆就不停咁問我返唔返去喎，唉~~我見佢叫左咁多次，就返啦，其實我一早約左人上屋企清潔，所以同老闆講我要一點鐘返屋企，咁老闆一開會就講我，佢成個會講左我好多次，都係讚多過彈，一開始就話好開心，我會返去開會，話我約左人都返o黎，之後拎我同阿頭、阿姐比，話我點唔會錯，脾氣點好，點樣比人激都唔會點鬧人，仲要話我鬧人好似唱歌咁，唔介意人o既出處，好耐心咁教人，叫阿頭同阿姐要學我，唔好成日發脾氣，老闆講講下，突然叫我解釋咩係賣柑者言，咁我咪解釋囉，原來幾位同事，係冇人聽過咖喎，真係奇怪，賣柑者言係我中學時候學o既，竟然冇人識，真係好彩老闆叫我解釋，如果叫其他人解釋，就真係唔知點算，之後老闆又講d野叫我解釋喎，唉~~~點解成日叫我喎，老闆就話要訓練我o既表達能力，因我會好易明白野，但叫我即時解釋出o黎，我就唔得，同埋佢話我每樣野都想解釋得好清楚，所以我會用好長時間去諗先會識點解釋，但有d人就唔係，聽完唔明又唔出聲，到解釋o既時候又錯，無可否認我係一個咁o既人，我轉數好慢，又怕o係咁多人面前大大聲講野，所以每次我除左會面紅之外，就係會諗好耐我先可以解釋，如果唔係我會講到一舊舊咁，之後就話我遲到，老闆話只係敢話我一個，其實在坐幾位都有遲到，係咪因為我脾氣好所以先敢話我一個???唉~~~都唔知佢讚我，我應該開心定唔開心，拎我同阿頭、阿姐比，咪會令到佢o地更加唔鍾意我，都唔知我老闆諗咩咖，之後我差唔多一點就返屋企la

o係度預祝大家 : 新年快樂

上大陸攪o個個年飯，個個都覺得好滿意，仲讚我同k小姐做司儀做得非常好，但唯獨我阿頭，就係咁話我o地點做得唔好，真係激死人，佢話我o地點解傾好d rundown唔同佢講，等佢咩都唔知，又話我o地點解會有悶場，點解d時間安排得咁差，又話做得司儀就預左冇得食咖啦，話我點解o個日會用廣東話講野，點解第二個game d題目咁難，話如果一早講比佢知個rundown就唔會咁亂。呢d野係k小姐同返我講，我聽完之後幾嬲呀，第一冇人覺得o個晚好亂，每個人都對我同k小姐有讚冇彈，就連老闆都讚我o地做得唔錯，將個氣氛攪得好好，第二係老闆講到明大陸個年夜飯係我同k小姐負責攪，冇講過要同阿頭匯報，仲有每次開會都只有我同老闆，咁駛咩要匯報比佢知。第三我唔覺得有悶場喎，game與game之間係咪都需要抖下，比我o地司儀抖下同比d同事抖下，我o地安排d時間不知幾好，係佢不停咁催我o地要開始做咩做咩，攪到我o地d時間亂哂，同埋如果係一早比時間我o地食野o既，咁就可以講預左冇得食，但唔係喎，唔係要我o地成晚唔駛食嘛，你又唔係比錢我做司儀，我o地係義務咖咋，仲有佢又無啦啦要我o地加插個game喎，話係老闆個意思，點知一講個game，老闆又即時個反應話吓點解又多左個game o既，根本老闆又唔知，成日都係咁喎。而我講到明我普通話唔係好得，所以要用廣東話o黎解釋第二個game點玩，老闆都話冇問題，咁佢仲出咩聲呀，而game ２d題目係佢提供咖，老闆話d題目難，佢就話唔知邊個諗咖喎，真係不知所謂呀，佢又唔直接同我講喎，我一定駁佢咖。
今晚就係總公司o既年夜飯，我就抽唔到大獎，不過我o地公司就有５個人抽到獎，大中小o既金豬，同埋水晶豬都抽到，都叫幸運，希望我下年都可以抽到獎啦!

唉~~~真係頂我上司唔順，明天就係國內嘅年夜飯，老闆一早講到明話國內嘅年夜飯係由我同k小姐負責咖嘛，我阿頭又要理喎，又叫我同k小姐傾好d野就要話佢知喎，咁佢係我哋個頭，佢想知就話佢知囉，點知佢又勁話呢樣唔得，嗰樣唔得喎，首先佢話我知話老闆要每人一封入場利是，司儀就老闆點名內定係由L生同國內嘅y小姐做，咁今日老闆一早就捉我入房開會，傾年夜飯d野點攪，咁我就話佢知，都玩咩game，比幾多利是，抽獎編排係點啦:

老闆 : hee，乜今年咁好，有入場利是嘅
我心諗，乜唔係你叫咖咩
我 : 司儀就係l生同y小姐
點解會搵y小姐咖，y小姐唔得咖，佢講野好甩cut咖，你哋搵人做司儀之前有冇問過人意願呀，揀過啦
我 : 吓，乜唔係你內定左咖咩，揀過囉，我都想揀２個都係香港同事，咁一係揀k小姐囉，佢同我一齊攪呢個年夜飯，佢同我最清楚，唔駛再同第二個講多次

咁老闆都贊成左，咁就同k小姐講啦，k小姐都覺得冇問題，到食完lunch，我阿頭知道左搵k小姐做司儀，佢勁驚訝，之後問我係邊個揀司儀咖，我話係我揀o既，佢幾大反應呀，話老闆講話有冇問過人o既意願，咁我有冇問過k小姐o既意願喎，話k小姐咁多野做，點夠時間攪做司儀o既野，又話k小姐普通話唔得咖，話我攪到k小姐勁緊張喎，仲叫我搵s生做司儀咪得囉，佢d普通話咁掂，嘩~~~我都未講佢好同我講話老闆要求咁咁咁，但原來老闆係唔知o既，假傳聖旨，等我仲比老闆話左我幾句，都唔明佢諗咩咖，係人都估到老闆係唔想搵y小姐做司儀咖啦，一來y小姐暗地裡係同老闆有一手，二來根本y小姐同其他人都唔熟，仲有叫s生做司儀喎，如果老闆係想s生做o既，我司公司o個個年夜飯就唔會改司儀啦，根本s生就唔得閒做d咁o既野，人o地幾忙佢都唔係唔知咖啦，如果我又聽佢講話搵s生做，我肯定又比老闆話我，都唔知佢想點，咁大反應做咩o者，只係上大陸做司儀o者，有唔係有咩大事要做，k小姐點會攪唔掂呀，如果佢唔想k小姐做，咪我做囉，橫掂上年都係我做司儀，我再問k小姐，係咪唔想做司儀，係咪覺得好難，k小姐都話唔係，佢冇所謂喎，之後k小姐同我講，話阿頭同佢講 : 乜老闆咁睇得起你d普通話呀，嘩~~~咩意思呀，k小姐d普通話係唔差咖喎，反而仲好過佢呀，到最後就決定３個人一齊做司儀，我、k小姐同l生，咁諗住全程講普通話，點知阿頭又話咁樣唔好，要一句白話、一句普通話喎，我都唔明，全程普通話有咩問題呀，個個都識聽咖啦，一句句翻譯喎，好多時間咩，我同會計經理講返呢件事，佢話選美咩，要多聲道呀，真係冇人明白佢諗咩咖

江山易改、本性難移。

人o既性格真係改唔到咖，就算改都只會係改一排，遲下就會回復原狀，我其實都唔可以去怪你，因為我自己都係咁。

尋晚半夜4點半比樓下d人嘈醒，我屋企係住六樓，一到夜晚條街一靜就好應聲，所以每逢有人行過樓下，講野大聲d，我都會聽到，而尋晚有人嗌交喎，我就咁比佢o地嘈醒左，一初我都唔理，諗住嗌一陣就會走咖啦，點知佢o地越o黎越大聲，攪到我醒哂，望一望個鐘先知係半夜4點半，跟住我就打開窗簾望下樓下發生咩事，點知我見到有2個差人同埋3個年青人，其中一個差人同一個年青人好似嗌交咁，見到個差人想捉住個年青人，點知個年青人唔比佢捉，想行出馬路，仲大大聲叫個差人拎槍去指佢喎，佢o地講野實在太大聲la，我真係火都o黎埋，
我好大聲咁鬧 : 拉佢啦，而家幾點呀，仲o係度嘈住哂，唔駛訓咩。
 之後我就見到個差人鎖住左個年青人，之後就同個年青人講 : 你玩大左la細佬，之後佢就call車o黎啦，咁我諗住終於完la，可以訓覺，點知隔左一陣，我聽到警車聲....BE BU.....BE BU，心諗係咪痴線咖，半夜三更仲BE BU，點知隔一陣又o黎多架警車喎，總共o黎左4架警車，因為實在太嘈la，我又起身打開窗簾睇下啦，點知見到有好多差人，我數過有成18個差人，係咪痴線咖，拉3個年青人，需要4架警車18個差人???最離譜係，我屋企好近警署(過2條馬路就係)，佢一架警車車哂佢o地返去都得啦。d差人講野越o黎大聲，我實在太嬲la，又大聲咁指住d差人鬧 : 你o地可唔可以細聲d呀，係咪其他人真係唔駛訓咖。之後我就見到好幾個差人望上o黎，我就再講多句，細聲d啦，嘈住哂。之後就關埋個窗簾，訓返落張床度個心就勁叫自已冷靜d、快d訓著。而今朝我仲遲左起身，返到公司勁眼訓呀。
其實今次我係第二次鬧d差人叫佢o地細聲d，上次又係有人o係樓下嗌交，之後差人o黎到仲大聲個o個d嗌交o既人，我又嬲到大大聲鬧落街 : 細聲d得唔得呀，而家幾點呀，唔駛訓咩。
今朝同公司d同事講，佢o地個個都話好好大膽，差人都敢鬧，嘩~~唔係差人就大哂，同埋差人應該知道已經係夜深，應該將音量收細咖嘛，我唔覺得自己有唔o岩喎，係佢o地唔o岩我先咁咋喎

原來結婚呢樣野係離我好遠咖，你其實仲愛唔愛我?

真係要講下公司今年攪o既聖誕扒地，其實年年公司都會攪大食會同抽禮物，不過上年就停左冇抽禮物，而今年又舉行返呢項活動，但就有少少分別，就係o係一個星期前，大家互一個名，邊個抽到邊個o既，就要買一樣o岩呢個人o既禮物，但就唔可以講比其他人知，自己抽到邊個，抽名o個日，大家都好開心，而老闆仲抽左2次，因佢抽第一次，見到個名就即時變面，之後比左s同事喎，佢就抽多一次la，大家都好期待，究竟邊個會買禮物比自己呢?我就抽到大陸o個經理，諗左好耐，就決定買件恤衫比佢。
到開趴地o既日子la，大家一早就好神秘咁將份禮物，放o係會議室度，到分禮物時，大家都好開心，p小姐收到水晶耳環，k小姐就收到2對好襯佢o既耳環，m小姐就收到個佢鍾意o既小熊維尼暖水袋，而大陸經理收到我份禮物就話，好實用呀，邊個買咖，點解可以知道我著咩領位o既，哈哈，其實我都係估下佢著咩領位咋，咁都買中喎，仲驚佢會唔o岩著tim，而最後大家都有開估，邊個買禮物送比邊個，而我份禮物就係.....同樣係好襯我o既深紫色兔毛頸巾，呢份禮物禮物，我好鍾意，因為真係好襯我，我仲要即時戴上頸，我就勁問邊個送咖啦，冇人認喎，其實知我鍾意紫色o既人真係唔多，就勁問係咪d好姊妹啦，又唔係喎，到最後我先知，原來呢份禮物係老闆買咖，估唔到佢會知我鍾意紫色，更加做唔到佢會抽中我，前年抽禮物時，我已經抽到佢買o個份mp3，o個年佢已經話同我好有緣，今年佢又抽中買禮物比我喎，我仲要講左句買呢份禮物o既人真係好了解我，但原來係老闆，今年又會比佢講la。
不過其實都好開心o既，因為我真係鍾意呢份禮物，同埋原來呢條頸巾都唔平咖，都要$500-$600。今年個個都好開心，其實呢個方法都幾好，起碼每個人都會收到d o岩自己o既禮物。

原先諗住今日生日請假咖，但請左假又會一個人o係屋企，所以都係唔請啦，但今朝搭小巴o既時候，就覺得好黑仔，因一上小巴坐低就發覺對絲襪鉤爛左，原來張凳d膠邊爛左，所以鉤爛左對絲襪，跟住返到公司，離遠見到老闆間房未開門喎，心諗唔係阿頭今日唔返工嘛，入到公司就有人同我講，我阿頭、k小姐同m小姐都請左病假，我就大叫左一聲 : 唔係嘛~~~m小姐係幫我做野o既，佢唔返工，我就要做返佢d野，仲要幫p小姐聽埋電話，而我阿頭同k小姐唔返，我又要做埋admin d野，一早就要send d資料比老闆，再打比老闆問仲有咩可以幫到佢，又要幫阿頭攪公司個倉租務續約d野，又要分d fax比各同事，又要幫手落香港d客o既單，大陸o個邊又打電話催我批單喎，唉....一對手邊有可能同一時間做咁多野。
點解今日生日，我要做咁多野咖，唉.....希望下午唔好咁忙啦，如果唔係都唔知今日幾點先可以收工。

今日有同事同我講，成間公司除左會計我未做過之後，我基本上咩部門o既野，我都識做，因一唔夠人，或有人唔返工時，我就要頂佢o地d野o黎做，其實咁叫好定唔好呢???唉....好o既就係我可以學識其他部門做o既，唔好o既係人工唔成正比，一個廉價員工

一早返工就令人嬲爆爆，我返到公司就放低個袋o係個位度，之後就行去p小姐個位度問佢尋日我收工走後，老闆有冇問起我去左邊啦，皆因尋日老闆約左我食飯，我見佢冇再提到，我梗扮唔記得咖啦，一來又唔舒服，想早d返屋企休息下，二來又唔知等到老闆幾點先可以食飯喎，p小姐話老闆都冇講d咩，跟住我就行返埋位整返好個袋，期間p小姐又同我講左幾句野，內容都係d無聊野，呢個時候八婆阿姐就打出o黎比p小姐:

八婆阿姐 : 你呀，又同佢顛，o個個人都未放低個袋，你仲同佢傾計，老闆行過你o地就收歛下啦

p小姐勁嬲，之後同我講返，我就仲嬲，咩叫o個個人呀，我冇名咖，唔係我o係呢間公司做左差唔多六年都唔知我係邊個呀，就算佢唔鍾意我都唔駛叫我係o個個人呀，仲有如果唔比人傾計o既，咪整條例出o黎話以後辦公時間內，不准傾閒計囉，同埋老闆都未出聲，幾時鄰到佢出聲呀，就算老闆真係唔鍾意，都會同我阿頭講啦，我阿頭話哂都係人事部經理，佢只係客戶服務部經理咋，要出聲都唔係佢出啦，不知所謂，最離譜o既係佢都有同人傾計，仲要大大聲咁講，我同佢隔咁遠都聽到佢講野呀，好心佢話人之前，唔該諗下自己先，如果自己都做唔到就唔好話人啦。
同埋唔係我要老闆去鍚我咖，唔係我要老闆拎我去同佢比咖，老闆拎得我同佢做比較，就自己檢討下啦，我當初只係一個文員仔咋，老闆都覺得我做野掂過佢呀，如果唔係都唔會升左我做主任啦，要妒忌我就檢討下自己有幾咁差，要點做先令老闆對佢改觀，並唔係成日o係度做埋哂d小動作，年紀都唔細咖啦，應該要下點解每個人都咁憎佢。

每日都要諗下lunch食咩，都幾煩，今日就諗住煮公仔麵食，但因會唔夠飽，所以決定落街買餃子食啦，咁經過一個果汁鋪，就買左支橙汁飲，返到公司同事就幫我整左個出前一丁o既紅燒牛肉味o既麵啦，我就開始開餐，點知........d餃子好咸、d公仔麵好難食、支橙汁好難飲，唉......真係過份呀，仲要有d肚仔痛tim。
咁通常我食完野就會訓一陣，到2點鐘先起身再做野，今日又如常咁訓啦，訓左一陣就聽到好似我阿頭返左公司喎，咁我就驚比佢嘈醒(佢成日傾電話，講到好大聲)，所以就起身走去sales o個邊訓，點知一行到去就見到p小姐同m小姐o係度準備訓喎，我就問佢o地點解行左過o黎，佢o地話因知道阿姐叫左個客上o黎，費事比個客嘈醒，所以就過o黎訓，咁我又一齊訓啦，訓訓下就聽到有人敲門喎，之後就聽到有人開門la，到差唔多2點，我就突然聽到有人用影相機影相d聲，咁我就抬起頭啦，見到c先生影我、p小姐同m小姐d訓覺相喎，勁衰呀，不過最後佢都洗左，p小姐幫c先生改左個花名，話佢係黃品源個朋友，叫冇品c，呢個名真係勁攪笑呀。
返到埋位就問r小姐係咪有人敲門，原來係r小姐開門比o個個人咖，仲話o個個人勁惡咁話，襟左好耐門鐘la，都冇人應，r小姐就話d人出哂去食飯。阿姐又係o既，lunch時間就唔好叫人上o黎啦，叫左人上o黎又唔o係出面等佢o黎，旨意我o地幫佢開門，都傻咖，唔通lunch時間仲要幫佢做野呀。

星期二要同老闆上大陸喎，佢仲要同我食飯慶祝生日喎，之後仲話要過夜，星期三先返香港喎，我覺得佢借d意叫我上大陸，實質都冇咩做，上去之前又話勁多野做，又話要去幾間廠，我早知唔係咖la，咁我星期二一起身，就發現對眼唔知點解腫左喎，仲有d痛痛地，所以就帶左副眼鏡返工la，之後同老闆上到大陸，就坐公司架車返自己間廠睇下個倉d貨，食完飯就去人o地d廠，都未整好d野，老闆就叫我走la，我一上車就開始訓，因我對眼有d痛，同埋個額頭又痛痛地，想合埋對眼，每逢搭車我就合埋對眼，到5點幾老闆就問我係咪唔舒服(因我平時同老闆一齊坐車係唔會訓咖)，我就話係呀，佢之後問我點解會戴眼鏡，我就除低副眼鏡比佢睇，佢都見到我對眼腫左，所以就話 : 咁我o地食完飯，搭9點鐘o既直通車返香港啦，我話 : 是但啦，之後就同佢去開會喎，佢一路講埋d廢話喎，因對眼痛，所以我時不時就用手襟下個額頭啦，到6點幾老闆又同我講 :
老闆 : 你真係好唔舒服喎
我 : 係呀
老闆 : 咁不如你早d返香港啦，搭7點o既直通車返去啦
我 : 好呀(即刻精神一振)
老闆 : 你好開心呀
我 : 係呀，好開心呀
之後我都同佢講返，因對眼痛，唔舒服，咁有得早d返去就梗係開心啦。咁老闆就叫左司機送我去火車站，自己搭火車返o黎香港。估唔到對眼會腫得咁合時，可以令到我唔駛o係大陸過夜，如果唔係又唔知老闆又會做d咩野

有時人真係犯賤，悉心安排左一d野，雖則未可以完成，但點解好似自己做得好多餘咁，冇人識欣賞嗎???一諗起就好想喊。

其實係因為睇完<一公升眼淚>喊完，所以令到自己心情都差左，開始亂諗野，定係之前已經開始咁諗???

好失落，覺得自己好犯賤呀

近日朋友跟我講了2個真人真事o既野比我聽，2件事都聽到我驚驚地，第一件事就係朋友星期日o係銅鑼灣o既味珍香買牛肉乾喎，因為做緊特價，所以店內極之多人，朋友拎住張$1000紙排隊比錢啦，點知呢個時候朋友比人撞一撞，之後就比人搶走左張$1000紙la，朋友即時大叫並追出去，而朋友個老公見到都即時追截，終於追得到呢位賊仔，但佢唔認有搶錢，呢個時候見到有個差人，就叫佢幫忙啦，點知個差人問我朋友，記唔記得自己張$1000係咩號碼，又話証明唔到呢張$1000係我朋友o既，咁就去返味珍香啦，點知d店員又話見唔到喎，我朋友就白白唔見左$1000la。原來香港都會好似大陸咁咖，周街比人搶錢，仲要捉都冇用，不過我覺得呢個差人都廢廢地，咁樣放左o個個賊仔，咪即係助長佢有下一次，大家真係要小心d，真係財不可露眼呀。
第二件事，就係朋友個朋友去左泰國旅行，但就發生意外，攪到額頭位置留左一條3吋長o既傷痕，朋友個朋友講，當時佢o係沖涼房，包住條毛布照鏡，點知一轉身就感覺到後面有人好大力咁推佢，佢就跌左o係地下，頭撞地，不停咁流血，之後就攪到個額頭咁la，最慘o既係佢係一個廿幾歲o既女仔，未有男朋友，但個額頭就攪成咁。件事好邪，仲要o係泰國發生，真係去到泰國真係要加倍小心，真係得罪左d邪野就慘la

真係覺得自己好大頭蝦，尋日同D同事夾錢買六合彩，咁尋晚就o係屋企對啦，對完公司條飛就對自已買o個張電腦飛啦，咁對到唔中喎，就覺得唔係黑仔成咁呀，同公司同事夾錢買左咁多條，都冇注中喎，之後就即刻連同自己張飛掉左左垃圾桶度，今朝返到公司，見到同事對緊六合彩喎，就同佢講，唔中呀，但佢話唔係呀，有成3條都中左喎，不過就只係中好少錢，我就話唔係嘛，我尋晚明明對過唔中咖，之後同事就比左d號碼我睇，我就話hee~~~點解唔同左o既，之後先知原來我對左上期d號碼呀，唉......點解我會咁咖，點解唔睇清楚係第幾期先對呢，仲要唔記得左自己買o個張電腦飛有冇撕爛先掉，如果冇就好la，攪到我而家好想快d返屋企搵下個垃圾桶，睇下張飛點，話唔定有一注頭獎係我中。
d時間快d過啦，好想快d返屋企呀，快d啦......快d啦.......快d啦 

前日老闆突然話賤人好煩喎，話咩都搵老闆，跟住話點解有d野唔問我，我之後話，都唔知點解賤人要成日問你咖喎，老闆話賤人太煩la，亦唔清楚d貨係點，我係最清楚o既，所以叫我同賤人講，之後賤人做d咩，要d咩都要同我講，等我決定批唔批，呵呵....真係開心呀，老闆竟然會叫我咁做喎，我即刻打比個賤人同佢講，老闆個意思係咁啦，賤人即時變哂聲喎，而今日佢返到o黎，仲即時對我變哂d態度，對我勁好呀，不過我唔受呢套咖，我公司分明o既，總之我有貨o既，唔會唔比佢，唔會特別阻撓佢，但對佢d態度一定唔會好。
尋日收到個好朋友o既電話，得知佢下年結婚la，好替佢高興呀，我諗我去到佢個婚禮到一定會喊，不過我其實去親呢d場合，都會喊，因我覺得佢o地好幸福呀，唔知幾時先輪到我呢???幾時先有人肯娶我呢???

一直以o黎賤人都好似要同我作對咁，之前佢已經累到我比老闆鬧到喊，又試過整到我喊，已經同佢誓不兩立咖la，呢排仲成日用老闆o黎大我喎，話我已經同老闆講左，佢話可以做咖，好心佢啦，唔駛樣樣野都煩老闆呀，就算有d野唔問老闆，我都會批佢做咖啦，下下搵老闆o黎同我講野，不知所謂，老實講，如果係有料，d野係o岩數o既，駛咩驚我唔批呀，大陸借貨又唔同我講，走去同p小姐講喎，攪到p小姐要轉述返比我聽喎，攪到d野亂哂咁喎，好似今日咁，我打比佢叫佢同個客開返個戶口，佢懶到叫第二個做，仲要叫我開口叫喎 :
賤人 : 你叫c小姐填咪得囉
我 : c小姐點識填呀
賤人 : 咁個客fax左稅務登記證過o黎，照填咪得囉
我 : 咁其他o個d點填呀，個客公司幾大，有幾多人，幾多機，董事係邊個，聯絡人又係邊個，數期比幾多，數額又比幾多???咁呢d野c小姐點識填呀???
賤人 : 我打比佢，話佢知點填咪得囉
我 : 呢d野好似係你o地sales本身要做o既野o黎咖喎，點解要人o地去幫你做呀
賤人 : (態度勁差)咁我冇個客d資料咁點填呀
我 : 咁得啦，我叫c小姐fax哂所有野比你，咁你識填咖啦(我態度都勁差)
之後我打比c小姐，叫佢fax哂d野比賤人，原來c小姐已經幫個賤人填過幾份，我就叫佢唔好再幫佢，點解自己要做o既野要推比第二個人做，係咪可以分返佢d錢比c小姐先，仲有萬一填錯野咁點算呀，離哂譜咖。我同同事講返，佢o地問驚唔驚賤人同老闆講喎，有咩好怕，我冇做錯野，佢要講咪講，唔係樣樣野都可以用老闆o黎大我咖。講真我唔驚老闆咖，而且有時我會問返老闆賤人係咪問過佢呢d野咖，佢唔好以為我唔敢問老闆呀!

希望我d黑氣真係快d過去啦，前日下午叫外賣，飲杯熱飲，點知一打開個蓋就叫去隻白色有翼o既物體，即刻成杯唔敢再飲，夜晚去食飯叫2個甜品，又賣哂喎，唉........
尋日好搞笑，s先生o係英國出完差返o黎，咁就買左d手信返o黎啦，但全部都係糖，佢因為又要返上大陸出差，所以就交低左比我幫佢派比同事啦，我就食完飯就開始派，首先m小姐第一個食，佢揀左d豆豆橡皮糖食，內裡有黑色同橙色，佢首先食左粒黑色，一啪入口就即刻大叫，之後即吐返出o黎，話好難食，之後p小姐再試粒黑色，就話接受到喎，而我同k小姐就試橙色啦，個味道都幾ok，咁就再試下黑色，k小姐一食就面有難色，而我就覺得個味道係怪d，不過都接受得到，之後就開始試下d硬糖，有紅色同橙色，一開始我、p小姐、k小姐、m小姐同r小姐，每人拎做粒紅色諗住齊齊食啦，點知一個係m小姐啪入口，之後到p小姐同r小姐，我就仲打開緊個包裝紙，點知就o係呢個時候，p小姐大叫話好難食呀，之後就到m小姐話要吐出o黎，r小姐都即刻吐返粒糖出o黎，話好洋蔥味同好腥，我同k小姐即刻冇食到，再睇返個名，叫做glodfish，金魚味喎，聽個名都好奇怪，淨返橙色，我o地個個都唔敢試，得p小姐話試下啦，點知一啪入口又要吐返出o黎，話好臭呀，同埋好難受呀，r小姐都有試，但就含左陣先吐，都話頂唔順，之後我就拎比d男仔試啦，d男仔試完都要即刻吐返出o黎，原來橙色個名係cheesy feet，d男仔話係臭腳味喎，真係好難頂呀，而豆豆橡皮糖黑色，終於有人食到係咩味，原來係煮野用o個d八角味，真係比s先生整蠱la，買d咁難食糖返o黎做手信，即時令我諗起哈利波特入面o個d怪味糖。好彩我都冇試o個2隻色o既糖o者，不過都令到大家覺得好攪笑，s先生返o黎時，一定要佢自己食返d糖

我其實係一個幾冇記o既人，所以好多野我都要用紙仔寫低，驚自己唔記得，但今日先發現，原來我係最好記性o既一個，事緣今日有個客fax左張訂單嚟，之後同p小姐講，呢d係還貨咖，咁p小姐就問m小姐，係咪大陸有借過貨比人啦，m小姐話冇喎，咁p小姐就問我啦，我話有呀，咁p小姐就話個客fax左張訂單話還貨啦，但我明明記得，個客上次已經落左次貨話還咖la喎，我仲話明明係j生同你講話o個d貨係還o既，但p小姐都話冇喎，咁我就打比j生啦，問佢係咪冇同p小姐講啦，j生話講左啦(其實我都記得j生有講咖)，到再同個客講，個客又話係咩，乜張單一早落左la咩，之後我再同p小姐講啦，話check返個客係10月初落左張單咖la，p小姐先再check喎，如果一早check就唔駛咁煩啦，原來個個都係冇記性咖，我先係最有記性o既一個

又係大陸o個2個蠢人呀，真係每日都會比佢o地激一激咖，尋日A廠話我知，B廠打比佢o地話冇碳粉，要A廠幫佢o地入粉，我聽到就抓哂頭，有咩理由B廠要A廠做呢D野咖，自己個公司o既日常事務同用品唔係應該自己間公司負責咖咩，點解要第二間公司去幫佢o地做呢???我再問A廠D人，點解你唔叫B廠自已搵人入粉呢?佢o地o既解釋係話驚比人呃喎，真係吹帳呀，驚咩比人呃，今次比人呃咪下次唔好去o個度入粉囉，最大問題係A廠同B廠距離好遠咖，搭車都要成2個鐘先到，車費又貴喎，都唔知B廠o個2個蠢人諗咩咖，之後我要出e mail話佢o地，叫佢o地以後自己o既野應該自己做返，A廠d人都好忙咖。
今日一早就fax張還貨單o黎，話個客還返4磅(細罐)瑩光墨返o黎，但我明明星期六先同個sales傾好，個客會還5磅(大罐)返o黎，之後我o地再借多1磅(細罐)比個客，但點解今朝佢o地又會fax左還貨單o黎話收左4磅咖呢?我就寫e mail問佢o地點解啦，究竟係收左咩貨啦，之後佢o地先話我知係送多左1磅，之後個客還5磅返o黎，真係激死，我問返佢o地點解實收5磅，但寫就寫4磅，點解要我問時先講比我知，好彩今次我知道成件事係咁，就話可以問，如果下次我唔知情況，到往後o既日子我先發現有貨唔o岩數，咁到時點算，佢o地咁蠢都唔會記得當時會係點咖啦。叫佢o地解釋，佢o地話唔知道要寫得咁清楚喎，嘩~~~大佬呀，我唔o係佢o地身邊做野咖，咩都唔講，咁我又點知佢o地做過d咩野呀，發生過d咩事，唔交代得清楚d點得呀，真係激死我呀。
點解我會遇到呢2個咁蠢o既人咖，仲要一遇就遇到2個喎，天呀......

今日興同事相約lunch食完飯玩NDS，咁我就帶左部機返工啦，不過都係得3個人有NDS Light，而有個同事有NDS大機，不過就冇帶返o黎玩，所以得3個人玩，但都好攪笑，玩孖寶賽車同炸彈人，玩炸彈人時，我同p小姐一初都唔知做咩，自已搵d炸彈o黎炸自己喎，好無奈咁輸左，原來係聲控放炸彈咖喎，跟住b仔比人o係後面叫左一聲，就係咁放炸彈，困住左自己，哈哈哈，快樂o既時間好快就過去la，又要開工la，真係唔想收機呀，如果下午可以唔駛做野，要o黎玩就幾好呢，其他同事見到我o地玩得咁開心，都話要快d買返部NDS Light加入我o地o既戰團呀。
前日老闆比左支靈芝水我飲，話會好訓d，我前晚飲完後，真係好好訓，仲要訓到唔知醒tim呀，真係幾有用呀

失眠左成個星期la，好辛苦呀，每日放左工返到屋企就好累，食完飯坐o係梳化度睇電視時就好眼訓，到返到房訓o係張床度，就眼光光，訓唔著，所以就去睇醫生，問下點解會咁啦，醫生話我可能有焦慮症，問我呢排做野係咪好大壓力，回想起返到公司一接觸新o個間廠d野就覺得好頭痛，簡直唔想去做呢樣野，醫生話要開d精神科o既藥物比我，但我話驚會依賴d藥物，所以我就話唔食藥，醫生就叫我放鬆d。
其實我都想放鬆d，但新廠o個2個女仔真係好唔掂，好蠢，簡直係可以用白痴o黎形容，每次叫佢o地做d野，佢o地都會做錯，無論呢樣野係簡單或者係好難，仲要成日問埋d白痴問題，總之一做呢間廠o既野，我個頭就會好痛，今朝我忍唔住打電話去鬧佢o地，叫佢o地做完野之後，自己睇清楚有冇問題先好e mail比我，唔好成日浪費我d時間，成日e mail過o黎後又錯，又要我去改，咁我駛咩你o地做呀，不如我自己做啦，之後就收左線。跟住又開始頭痛la，真係好想抄左佢o地呀。
老闆知道我失眠，就叫佢老婆煲左d靈芝水比我飲，佢叫我今晚飲喎，不過唔知得唔得咖呢?

唔知點解呢2晚我都訓唔著，坐o係梳化度睇電視時就好眼訓，但一訓落床就眼光光喎，要等好耐先會訓得到，平時o既我係一訓落張床就會即時訓著，但唔知點解呢2晚會係咁，攪到朝早起身都好辛苦，返到公司就勁打呵欠。今日o係唔精神o既時候聽到一個極之煩o既電話，係關於有個客S，送貨o既問題，呢個客香港o既同事都幾好人，但國內o既同事就煩到死，本來一直以o黎都係我跟呢d送貨手續，但就因為上個月個客S做漏左d手續，令到我跟國內o既同事比老闆鬧，所以今個月就要執正o黎做，點知個客S又出錯，又連累老闆鬧我國內o既財務兼香港o既會計經理，好彩冇鬧到我，老闆仲叫我唔好再理呢件事，諗住好啦，唔駛理d煩野la，但今日國內o既財務打比我，話唔明客S個報關員講乜野喎，咁打比我都冇用咖，唉~~~冇啦啦我又要幫佢打去問客S o既香港o個邊究竟發生咩事，攪到我亂上加亂，又唔可以比老闆知喎，如果唔係又鬧咖la，而家我又被倦入件事度la，希望可以快快攪掂啦，仲要千祈唔可以比老闆知，唉.....
今日發現右手手指有d痛痛地，睇真d有小小脫皮，死啦，唔通又可以起煮婦手，唉~~天氣一轉我隻手就會起煮婦手，希望唔好啦

每年呢個時候，都唔知點解老闆梗係有d新野攪下咖喎，仲要成日都要拖埋我落水，總之每年呢個時候，我就忙到傻，呢2日我又開始以前o既生活la，朝早9點返工，夜晚冇8點都唔駛旨意可以收工，d野做極都唔停，仲要比人催我，呢樣做好未，o個樣做好未呀，嘩~~~大哥大姐我唔係淨係做你o地d野咖嘛，唔駛做其他野咩，又要顧住大陸個倉冇貨時要補，又要睇下有咩貨訂左未到喎，貨倉又話d貨有問題，又要睇下有咩問題，呢個又話咁咁咁，o個個又話咁咁咁，幫我o個個女仔又唔夠獨立，咩都要問，攪到我做到成頭煙。星期六阿姐又叫人尋日安排架車去個客到收六百幾公斤o既貨返o黎，咁我咪安排囉，去到個客到又話唔收得貨，仲要比賤人串我喎:
賤人 : 每次去收親貨都要通知左人先咖啦，今次唔通知就去收貨，梗冇貨收啦，仲有呀，你要送d貨比人先可以收貨咖嘛，如果唔係點會比貨你收呀，之前o個次都係咁做咖啦
我 : 嘩~~我都係按阿姐意思做咖喎，乜你冇同阿姐溝通好先叫做咖咩，咁你同左阿姐講左未呀??
賤人 : 我o岩o岩同佢講左la
真係頂佢，一早又唔講，而家安排好哂先講，有鬼用咩，都唔知係阿姐冇記性定賤人冇講過比阿姐聽，最嬲就係比佢串嘛，如果老闆唔係叫我要忍讓個賤人，一早鏟到佢上天花板，之後cut佢線la。

今朝勁累，所以遲左起身，整好哂所有o野，就即刻走落街搭小巴啦，但唔知點解今日呢個小巴司機，行o既路唔同哂，原先我係o係公司樓下落車，今日就要o係地鐵站度落車，真係搭地鐵仲好呀，點解我要搭小巴，就係因為唔駛由地鐵站行返公司，真係谷住條氣呀，我會認住呢個小巴司機，唔會再搭佢架車。今日做親每一樣野都好唔如意，好激氣呀。越忙就越燥，本來幫我o個個女仔，我同過佢講有d野要check清楚先做，我唔再check佢野，點知今日心血來潮check佢d單喎，咁就發現佢打錯價錢，仲要之前o個幾張都已經錯，真係救命呀，唔通真係要我係咁check佢d單???

星期二o個晚肚痛，係勁痛，痛到半夜整左，仲嘔左一次，後尾食左藥就好左d，但個心就不停咁諗，唔肚痛，唔想嘔，好似o係度催眠自己咁，又真係冇咁痛喎，但星期三朝早就唔知醒，遲左幾個字起身，攪到遲左2個字，去到深圳就有司機接我同其如2位同事，佢o地2個就去深圳，我一個人就去長安，去到就見到老闆，諗到我開始就教o個2個女仔做野啦，點知老闆就話要開會喎，仲要叫我抄會議紀錄喎，唉....咁耐冇抄會議紀錄，真係慢左好多，有d仲寫唔切，咁就開左成2個鐘la，開完會老闆就去左去第二度見客，咁我就處理香港d公事，之後就同佢o地出去食飯，再返去辦公室時，另一位香港同事s先生就到la，我同佢就分別開始教長安d同事做野，s先生就教男o既，我就教女o既，但呢2位女同事真係激到嘔血，2個都唔識電腦咖，叫佢o地做個存倉表出o黎，2個人望住部電腦呆左喎，問佢o地識唔識，佢o地就話識，但就攪左好耐都做唔到，我就埋佢o地點整啦。講d野比佢o地聽又唔抄低喎，再問佢o地要點做時，就啞哂咁，之後我叫佢o地抄低d野啦，到再問佢o地點做呀，又唔識，叫佢o地睇返自己抄o個d野，就係睇呀，但就仲係唔識做，之後老闆返左o黎，就捉左我入房，問我覺得o個2個女仔點呀，我好直接咁話唔得囉，又唔識電腦喎，之後老闆叫我比d時間佢o地喎，咁咪比囉，之後老闆同我講 :
老闆: 我同s先生明天要返常平有野做，你自己留係長安，明天你自己搭大巴去皇崗過關啦
我 : 下.....我唔識咖喎
老闆 : 駛咩識咖，跟住d人行咪得囉
我 : 下.....我驚咖喎
老闆 : 驚咩呀???
我 : 咁得我一個女仔，梗係驚啦
老闆 : 去到有好多女仔咖，咁你想點呀
我 : 我寧願返去常平再搭火車返深圳再返香港
老闆 : 乜你咁煩咖，畏山忌水，是但你啦，我叫司機接你返常平la
6點幾就去食晚飯la，食完老闆就同我去租酒店，我間房係尾房呀，幾驚呀，入左房放低d野後，就要過老闆間房同佢傾野，一傾就傾到11點幾，講埋哂d無聊野，叫我唔好呃自己喎，話我係鍾意佢咖喎，點解要成日避開佢喎，真係不知所謂呀，11點幾佢仲話去食d野，傾多半個鐘喎，我即刻話好眼訓，我要返房沖涼訓，如果唔係第二朝會唔知醒，佢話 : 咁你即係唔鍾意同我傾計啫。擺明就係啦，仲問咖喎，之後我就返房沖涼啦，當我吹緊頭之際，佢走o黎拍我門喎，問我會唔會驚到一個人訓唔著，因行雷呀，問要唔要過o黎陪我訓喎，真係痴線咖，我即刻話唔驚，我自己會訓得著，即刻關門呀。不過就熱醒左2次，好似冇冷氣咁。
星期四老闆叫我7點9起身，話8點就落去食早餐，我已經7點半就起身啦，點知佢7點9就拍我門，問我得未喎，話好趕時間呀，叫我8點前好落去食早餐，咁我8點落去啦，點知佢就幫我拎埋早餐，仲話只係比5分鐘我食早餐，而且個早餐係抄飯、抄麵、吉列朱扒同滷蛋喎，朝早邊係食呢d野咖，仲要得5分鐘，所以只係食左幾啖咋，之後我就返左長安la，佢同s先生就走左la，淨得我一個人，到11點幾我見到有人送貨過o黎，呢個人係常平o既同事，我即刻話跟佢架車返常平呀，起碼o個度我識路同同d同事都好熟，我寧願返去常平同佢o地食飯好過留o係長安激氣，之後我留到4點幾先搭火車返深圳，再返香港，返到屋企，成個人累呀!

今日係總公司大老闆o既仔結婚，o係金鐘香格里拉酒店擺左四十幾圍，我同d同事個個都好悉心打扮，每個女同事都有化妝，我梗係唔例外啦，化左個淡妝，而男同事都著得好斯文，連平時只係著牛仔褲返工o既師傅，今日都特登著左件裇衫西褲，每個人都著得好得體，去到見到新娘子好靚，佢係日本人o黎，飲宴開始la，新郞同新娘講左幾句，個場面好感動，我覺得佢o地好幸福，唔知我第時o個婚宴會唔會攪得咁好呢?(不過都唔知自己幾時先會結婚)，成間酒店d服務好好，每一檯都有3個待應，d野食其實都ok啦，最ok o既就係每人都有一隻手掌咁大嘅鮑魚食，嘩~~~我真係咁大個女用刀叉食咁大隻o既鮑魚咋，都真係幾high，食完隻鮑魚都已經飽哂la，所以其後o既餸都冇乜點食，食到11點幾先走。

而星期六我行街時，一個鐘頭之內，連續3次腳指抽筋喎，都唔知仲咩會咁o既

今朝已經遲左出門口，諗住遲到啦，點知我上左架亡命飛車o既小巴度，個司機仲要o係女人o黎咖，我一上車見到呢個司機都有d驚驚地，因以前都有搭過呢個司機o既小巴，佢一路楂車一路講粗口鬧人咖，又不停咁響安喎，今日佢仲左扭右扭咁，場面極之驚險呀，我就全程緊握扶手，勁驚會撞車呀，呢位女司機每過一架車，佢就用粗口鬧人阻住佢，前便有小巴落客佢又勁響安喎，好似撩交嗌咁喎，真係勁驚呀，最終我9點返到公司，平時車程時間係最少都要15分鐘，今日只係做左10分鐘咋，快就係快，但就極之唔安全。

而今朝同p小姐爭拗一件事，令到大家都好不愉快，因我接左張單，就比左m小姐跟啦，m小姐就問呢張單應該開今個月數定下個月數，我就好快咁話開下個月數，但p小姐話唔係，一定要開今個月數，我之後就話不嬲公司規矩都係最後o個日開單，如個客有數期o既，就一定要開下個月單，但p小姐話唔係，佢開始做到而家都唔係咁，我就話 : 點解公司改左規矩我唔知o既。我都做左5年幾la，而p小姐做左2年到，係咪應該信我講o既野呢，點解佢要執住呢點話唔係咁做呢???只不過我而家做左大陸o個邊o既野，有好多香港o既野我都唔係好記得，但呢點我真係好記得係咁咖，我都驚自己記錯，我問返r小姐，因佢o地係同期o既人，r小姐都話係我o岩，我再問我同期o既人，佢o地都話一直以o黎都係咁做，唔知點解p小姐會變左做法，即係証明我冇錯啦，不過我都唔會要p小姐去改，因始終我係管大陸，唔理得香港d野咁多，到時佢比客話o既，我都幫唔到佢。

星期六朝早，老闆走o黎同我講，話我上次比佢o個份野，佢唔見左喎，真係頂佢呀，我係前幾日比佢咖咋，佢咁都可以唔見，仲要話我仲咩唔copy一份比自己喎，之後我就叫會計print過一份出o黎啦，跟住佢就同我講搵到la，真係比佢吹帳呀。
今日我fax左張訂單比廠，跟住廠就打返比我話個價錢加左價，仲要話係6月份已經開始加，我就話我唔知啦，廠o個邊仲要話6月份我香港都有落單，但價錢都唔o岩，個差價會o係大陸加返，我就仲抓頭，點解我一d都唔知咖，廠叫我問返會計部經理，我即刻問會計部經理啦，佢跟住先同我講 : 係呀，唔好意思，我唔記得同你講，至於差價o個度，廠o個邊有同佢傾過，但佢唔記得點樣做，要再問返喎，點解佢成日都係咁，成日都唔記得，仲要我叫佢比返個新價我，佢先比喎，唔叫佢比埋香港個價我，佢又真係唔比喎，比佢激死la，咁樣佢點做會計部經理呀，唉.....叫佢做d野，幾個星期前叫，到而家都未比到我呀，真係.........唔識講la

尋晚放左工食完飯就返屋企啦，咁家姐沖涼先喎，我見地下好似好污糟咁，所以就掃地兼拖地啦，整好哂後已經滿頭大汗，咁諗住休息一陣先去沖涼啦，點知沖完涼就見到出3小暗粒o係塊面度，我即刻敷mask啦，諗住第二日會清左d粒粒啦，點知今朝起身都仲見到喎，真係肉酸呀，平時我好小會生粒粒咖嘛，而家仲要一生就生3粒，點見人喎，勁唔開心呀，今晚返到屋企我會再敷mask，希望明天d粒粒會消失啦。

上個星期一開始感冒，之後到星期五仲發燒tim，本來星期五朝早冇乜事咖，就唔知點解食飯前覺得個頭勁痛喎，到食飯時，只係食左幾啖飯就已經唔想再食，仲覺得有d反胃，所以食左小小就冇食到，之後就訓一陣，諗住會好d啦，點知訓醒後就嘔la，仲覺得成身好熱，出哂汗，老闆見到我咁，即刻叫我去睇醫生兼返屋企休息下，咁我就早走去睇醫生啦，去到醫生度已經覺得頭暈眼花，醫生話我發燒，話可能係之前d感冒未清，又食左d唔乾淨o既野，所以會嘔，跟住呢幾日都冇乜胃口食野，食小小就唔想食la。星期六仲應承左媽咪，一家人去長洲玩，好彩星期六退左燒，可以入去一齊玩，不過我就唔係玩得咁盡慶，可能仲有唔舒服啦，星期日返出o黎後就即刻返屋企訓，因我又覺得有d頭痛，而今日有好似有d發燒喎，食左d退燒藥就好左d。
而家每日lunch都會同家姐一齊食飯，因家姐而家都o係荔枝角返工，可以同家姐食完飯就行下街街，都幾好。

而家老闆o係大陸攪多檔野做專色，本來話係比k小姐跟，咁我諗住甩難啦，因本身我已經跟開大陸專色o既野，諗住我一定走唔甩啦，可能老闆見我真係忙到透唔到氣，所以話比k小姐跟。但前排見佢無啦啦又同我講，呢檔野會o係邊度開呀，整左d咩野呀，仲影埋張卡片比我tim，仲話我知，第時就係同呢個人聯絡la，我已經開始心知不妙，唔係我跟又做咩同我講咁多野，不過呢個時候就係k小姐同阿頭鬧得最不愉快o既時候，我心諗死啦，如果真係抄左k小姐，呢檔野就一定要我跟。好啦，上次同k小姐傾完後，佢真係有改善，我都冇咁驚，點知前日k小姐又冇返工喎，老闆又叫左我入房，又話我講新o個檔野係點點點，要我要mark好d數，唔好混亂，又同我講，o個度好近咖咋，不過交通就唔係咁方便囉，冇火車到，我真係聽到標哂冷汗呀，當佢越講越多o既時候，我就問左佢一個問題 :
我 : hee~~~咁新o個檔野會唔會有一個好似而家大陸做mark數o既人呢?
老闆 : 有，梗有啦~~o個個咪你囉
我即時眼都突埋，心諗唔係嘛，本身已經要睇3個倉，仲要我做埋呢樣野，冇病嘛，老闆見我咁o既反應，即刻話 : 會請人咖，不過暫時未請到o者。咁都好d，梗係要搵個人返o黎mark數啦，如果唔係我點做得咁多野呀，唉....點解又係我去做開荒牛，我已經做左2次咖la，唔想做第3次，好辛苦咖。
點解話比k小姐跟，但又話比左我跟?同會計經理講，佢就話咁咪好囉，又多野新野做，咁下年人工咪會加多d囉。
咁樣都唔知係好事定壞事，做新野會有得加多d人工，但又會仲忙，呢排仲可能要成日返大陸，唉......

上個星期六我去左澳門玩，但呢個澳門之行就唔係咁開心la，所以都唔多講。

星期一有好多人都請左假，不過大多數都係年假，只有一個人係請病假，呢個就係坐我後面o既k小姐，就係因為呢日太多人請假，所以公司冇咩人，而又咁o岩k小姐又請病假，變左又冇左個人幫手聽電話，跟住佢個阿頭(即係我阿頭)g小姐就好似發左顛咁，係咁o係我面前鬧k小姐，點樣唔掂，點樣做唔到野呀，又話k小姐成日請假，又話自己有幾大壓力呀，之後叫我幫佢同k小姐傾下，睇下k小姐想點，咁我見佢真係顛顛地，就應承幫佢同k小姐傾啦，咁我就星期二約左k小姐食lunch，問下k小姐想點，仲想唔想做呢份工，咁k小姐都話想做，但只係覺得自己o係呢間公司唔知做咩，跟d野又一忽忽咁，g小姐又唔解釋清楚呢點，無d成就咁，所以個心就散哂，k小姐都表明想做多d野，有野學o既佢唔介意做夜d。咁我就將呢d野講返比阿頭知啦，點知阿頭又發顛喎，話呢度冇野學咖，叫佢走啦，又話連自己都唔知d野係點，咁點樣講比k小姐知呢?又話有d勁度保密o既野係唔可以講喎，最後就話要抄k小姐，我真係企左o係度，如果真係想抄k小姐，咁就唔好叫我同佢傾啦，咁係咪浪費我d時間先，仲有如果真係唔講得o既，咁佢有冇清楚咁講明比k小姐知先，佢唔講人o地又點會知呢d野係保密咖呢。最後我力撐k小姐，叫阿頭睇多佢2日先再決定抄唔抄佢。
k小姐又幫唔落咖喎，叫佢唔好再遲到，佢可以仲係9點7先返工，真係想幫都幫唔到啦，攪到我今朝要早d起身打左2個電話比佢，叫佢起身返工，驚死佢又遲到喎，雖則佢今日都有遲到，好彩只係遲左7分鐘，如果唔係阿頭又有野講，希望k小姐明白我o既苦心，真係要改，如果唔係真係冇人再幫得到佢

都仲未病好，就要返大陸la，好彩延遲左上去o既時間，10點半先要上到去，但我都要比平時早成個鐘起身。唔知點解今次搭o個架火車會停樟木頭咖呢，攪到遲左幾個字先去到常平，出到火車站就見到公司個司機，佢拍左架車去好遠，仲要帶人行埋d水氹度，已經落雨咖啦，又要拎住把遮，又要避水氹喎，仲要遮住個同事喎，真係勁論盡，遮到個同事上車，咁我諗住上埋車啦，點知見到會計部經理坐左後面喎，迫住我要坐車頭喎，點知就發生意外la，我上車時竟然撞到個車頂喎，撞得好應呀，撞到個頭勁痛呀，仲起左樓tim，撞完後覺得暈暈地，仲想嘔，我幾驚呀，食左d止暈止嘔藥，再恰左陣就好返d，不過個頭就勁痛。
原來唔只我一個人撞過咖車，我已經係第三個女仔撞咖la，最邪就係3個女仔個名都係w字頭咖，好邪呀!

媽咪打電話比我，話比條腰帶我喎，我就問咩腰帶，佢竟然話係osim o既窈窕魔師喎，嘩~~~勁開心呀，相來都想自己比錢買咖la，再唔係就拎左阿媽o個條走(不過可能等好耐先可以拎到)，而家唔駛比錢買，都可以有條新咖喎，原來媽咪買左部騎馬機，送一條窈窕魔師喎，媽咪要我想要，所以就話比左我，yeah~~~~

今日放左工就同d同事落去公司樓下行街，d衫好抵呀，有條衫我o係旺角家樂睇要$250，但o係公司樓下買$70咋，之後再買左一件$50 o既衫，係絲o既質地，都幾高貴咖，而上個星期，我買左2條裙，其中一條出面買$200，但o係呢度買都只係$100咋，真係好抵呀，我o既下一個目標係買對高貴斯文o既黑色涼鞋，希望買到啦

前日工事上有唔開心，覺得同一個熟o既同事有d唔愉快o既事情發生左，佢講o既野令我好難受，工事上我冇可能唔咁做，始終係顧客至上，但佢就唔明，講到我好似要為難佢咁，呢件事令到我唔開心左一整晚。

第二朝就失哂魂咁，朝早買麵包比左錢，竟然唔記得拎個包喎，上到小巴先知道，打比公司爸爸，諗住叫佢幫我買早餐啦，點知公司爸爸要返大陸喎，再打比會計經理，佢又話要返大陸，再打比隔離公司的靚仔，點知佢又話唔返公司住，唉.....真係黑仔呀。

而今日發現倉d同事執錯貨，大部份都可以搵得返，但有d就唔知比左d咩客，最嬲就係連p小姐都話唔知有新貨返，張倉單都寫明係新貨，咁都可以話唔知，咁係咪即係表示佢冇睇過張倉單?貨倉d人又衰o既，一個賴一個，倉管話同左佢o地講係新貨，但其他人話冇聽過，就算冇聽過，都唔應該咁快發呢d貨比客，呢d貨係最近入倉，應該發d比較舊o既貨比客，而家要o係大陸同d客換返貨，麻煩都死，我同會計經理講，呢件事我可以攪掂d客，但一定要搵人出o黎受罰，成日都係咁，貨倉都唔只執錯一次貨，成日都要我幫佢o地執手尾，我大陸都唔知點入數呀，一定要比d懲罰佢o地，先會知個嚴重性

今朝用左唔夠1個鐘o既時間，就可以打通903個換飛熱線，換到4張黃金10年o既飛，好開心呀，希望次次打去換飛都咁順利啦，而家好期待8月o既來臨。
lunch出去左同d同事飲茶，返到公司時，o係我前面o既同事突然行慢左喎，攪到我成隻腳趾撞左去佢個鞋跟度，我仲要著涼鞋喎，差唔多反甲呀，好痛呀....:em_26，而家行路都仲有d痛

o岩o岩公司爸爸打比我問我工事啦，之後突然問我左一d野，而我又答左佢一d野，我覺得勁攪笑，

公司爸爸 : hee~~~老闆聽日返唔返?
我 : 點知呀，可能唔返掛
公司爸爸 : 咁老闆健在嘛?
我 : 佢已經唔響度la (老闆上左大陸)
(2 個都忍唔住笑)
公司爸爸 : 咁事頭婆返左未? (講緊老闆個秘書)
我 : 返左好耐啦

我o地好似咒緊老闆死咁，好似好衰咁，不過真係好攪笑呀

煩惱o既事仲未解決到，但又唔知可以點，仲要不停咁諗住件事，究幾時我先可以唔再諗起呢件事???
尋日找到memo，話7月14日至15日公司攪左個外展訓練，其實目 的係為d sales，佢o地7月14日下午就起程返大陸，而唔知點解我又會有份去，但我就7月15日朝早9點上去大陸，即係o個日我要朝早6點幾出門口搭火車，最唔開心o既係要留到夜晚8點先可以返香港，返到香港都成11點啦，o個日係星期六o黎咖，成日都係咁，剝削員工o既假期喎，好唔想去呀。

今朝老闆走埋o黎話我知佢條褲污漕左，仲比我睇下有幾污漕，佢話係比人整到，我之後走去調墨房問下原因啦，原來係老闆走左去垃圾桶旁邊，唔小心抹到d油墨，同事話點會有人行過去o個邊咖，所以一直都冇人中招，唯獨老闆，唔知點解佢會走左去o個邊睇野，真係攪笑呀，其實老闆都唔止第一次中招咖啦，都仲係咁唔小心，真係抵死呀!

有件事令到我個心好亂，我唔知可以點做，但又唔可以同其他人講，究竟我應該信邊個，而家我可以點，可以做d咩呢???

好亂呀，點解會發生d咁o既野咖

真係好過份呀，我o係豐澤買左個雪櫃，未比錢前就咩都話得，咩都話冇問題，比左錢隔幾日我叫佢o地星期六4點至5點送貨，但就不停同我講話唔得，話一定要1點至3點，我再三聲明，一定要4點至5點，1點至3點冇人收貨，之後佢叫我安排第二個時間，如果第二個時間得o既我就唔駛一定要4至5點啦，之後我打上去客戶服務中心度投訴，有位姐姐仔同我講，冇得安排4至5點喎，一定係1點至3點，咁我講到明冇人收貨，咁就算佢送到，我都要4至5點先返到屋企啦，講極都話一定要1點至3點，我之後發火鬧佢，問佢明唔明我講咩呀，如果我比錢前知道夜晚送貨要加錢，星期六送貨又一定要1至3點，我真係唔o係豐澤買啦，之後我叫呢位姐姐仔一係免我夜晚送貨費，佢又話話唔到事喎，我即刻叫佢搵經理o黎，點知佢話經理開緊會，話點前會叫經理覆我電話，收線後我就叫我同事再打上去，睇下搵唔搵到經理，點知都係搵唔到，我同事同佢o地講，如果經理6點前唔覆電話，就唔排除會投訴到各大報紙度。隔左唔夠10分鐘，另一位姐姐仔打比我，話已經安排左4點至5點送貨la，但我都要佢o地個經理打返比我，但我等到6點都等唔到電話，之後門市有人打比我，又話一定要1點至3點送貨，真係激死呀，即刻問佢o地係咪玩我呀，一個話得，一個話唔得，但到最後都話得o既。而o個位經理今朝10點幾先打返比我，我同佢投訴完之後再e mail左個書面投訴比豐澤，諗住件事完左啦，點知個運輸打比我話今日要6點後先送貨喎，一係就1點鐘啦，我火都o黎埋，話係佢o地個經理應承係4至5點送咖，之後我即刻搵返個經理講，佢又話已經幫我安排左，到12點幾，我已經收到運輸電話，話已經到左我屋企門口喎，問我幾時返屋企喎，真係離譜咖，咁即係個經理呃我啦，我一定要去消委會投訴豐澤咖。

其實家姐又好、傻蛙又好，個個都叫我唔好再話呢個男人，呢幾日我都唔想再講呢個人，不過有樣我好多謝佢，係佢終於表露佢衰o既一面比人知la，証明我冇睇錯人，更加要多謝佢，令到家姐完全醒哂。
雖則我都估到呢個人會係咁，不過點都估唔到佢做每一件事前係真係唔諗清楚咖喎，雖然我好嬲佢，不過我會聽我家姐講，唔再講、唔再鬧la。
我亦都唔想再見到呢個男人
希望我家姐唔好再被人傷害到!

一早返到工，個賤人就問我，g小姐走左之後，d fax應該比邊個?直係問o黎都多餘，梗係比返會計部經理啦，問我做咩o者，之後無啦啦比左e mail我，話已經send左比人la，我真係R哂頭，用佢個e mail send，但係出我個名咖喎?佢用我個名出e mail比人，真係過份呀，如果要我同人講野o既，係咪應該由我自己打呀，有咩理由佢幫我出咖 ，咁等同冒我簽名o者，問佢點解會咁啦，佢話老闆叫回e mail比人，咁佢咪打囉，但點知打到最後先見到老闆係叫我出咖喎，但話見到我咁忙，所以就用我個名幫我出喎，嘩~~我就算幾忙，打張e mail會幾耐呀?
隔左陣賤人又比左張fax我，叫我追個客張單，我見張fax係9號出o既，但就今日先比我，仲有上個月我已經話我會追個客，叫佢唔駛再跟，而我差唔多每日都會打電話追個客張單，好心佢如果要跟就唔該出聲啦，等我唔駛追啦，攪到我幾核突呀，跟住我同個賤人講，叫佢下次出左fax就唔該講聲我知，等我唔駛追得咁密，佢之後話下次會記得話我知喎。我都唔明，又冇人叫佢跟，好心佢就唔好跟啦，又唔識做喎，攪到d野亂哂，不知所謂呀。
個賤人今日把口仲衰到問r小姐怕唔怕宮外孕喎，咁即係咀咒人o者，正一死八婆呀

今日心情唔係咁好，一早起身個胃勁痛，而返到工得知m小姐冇返工，我個心就即刻沉左落去，因尋日p小姐冇返，m小姐做唔切d野，攪到我大陸o個d野要自己做，仲要幫佢o地o個邊整野，諗住今日可以做返自己野，點知就輪到m小姐冇返，唉......到11點幾，我o係公司最好o既朋友同我講，佢唔做la，仲要係做埋今個星期就走la，因第二間公司請左佢，人工高過呢度3成，福利又好d，所以佢賠錢走，我一方面戥佢開心，但另一方面，我好唔捨得佢，我仲差d喊左出o黎，佢一走我就會多左野做，而且我會好悶，冇人可以傾計，攪到我都好想走。
食飯前r小姐同佢阿頭講左話要請假養胎，因r小姐作小產，但同左佢阿頭講，叫佢唔好同其他人講r小姐懷孕o既事，點知佢阿頭走左去同我阿頭講喎，我阿頭就捉左r小姐入房傾，下午我阿頭仲特登走去話比會計經理知喎，真係火到o黎埋呀。第一，r小姐個阿頭有咩理由應承左唔同人講，但又走去同我阿頭講，明知如果我阿頭知道d野，老闆就會一定知。第二，我阿頭又無啦啦走去同會計經理講喎，咁即係咩意思呀，好老實講而家r小姐o岩o岩懷孕，個胎未穩，佢都唔想咁多人知，佢就唔好亂咁講啦，仲有BB會小器咖，聽都聽過人講啦，個肚未過三個月，係唔可以話比咁多人知，萬一個胎冇左咁點算，我阿頭仲要大過肚、生過仔，呢d野佢係好清楚咖喎，佢咁做擺明存心靠害o者，好賤呀佢，如果r小姐個胎有d咩事，我o地個個實怨佢咖，正一死八婆。

因為我實在太忙la，所以要將一d野交比人做，原先幫我做野o個個同事調左去做第二樣野，咁我就要將d野教個新人做啦，呢個新人做左都差唔多三個月la，但仲係成日做錯野，教佢o野又唔寫低，唔記得o既就淨係識問，其實我唔介意佢唔明而o黎問我，但我就好介意有人同一個問題，問我幾次，咁樣好明顯係唔記得啦，就算叫佢記低要點做點做，佢都係唔寫低咖，到要做o既時候就唔記得咖la，好似今日咁，之前叫佢記低要影印d單比sales，佢就唔記得，到個sales走o黎問我拎單，我就提佢影啦，叫佢唔好比咁多人知，自己做大陸d單o既野，佢就將張單擺出o黎，咁樣咪係人都見到囉。
今日佢打張送貨單，就真係令到我嘔血呀，我都未曾見過會錯成咁咖，公司名打錯、地址錯、電話錯(仲要佢係亂作)、收貨人錯，冇打個客o既PO No.，最離譜係連件貨品都打錯，我望張單真係差d嘔血呀，有咩理由會錯成咁咖，成張PO根本就冇睇過，嬲到我死，我要o係自己個位度冷靜下，先行去佢度話佢知佢點錯。唉~~每樣野都要我提佢，幾時要做d咩野，真係仲慘過我做呀，下午忍唔住，走去同佢傾下，問下佢點解會錯得咁離譜，咁樣我點交我d野比佢做，做我d野一定要細心，唔可以錯，而家我就同佢check，如果我忙得滯唔check，到時就咪大煲，我又同佢講，我份人唔鍾意同一樣野問人幾次，正如我都唔鍾意人問同一樣野幾次，仲有之前我做佢o既野，人o地教我一次咖咋，之後唔會再講咖，我都係抄低d野應該點做，到唔記得o既時候就睇下自己抄低o既野，咁樣自己個印象會深刻d，我話比幾日時間佢諗下，有d咩令到佢唔明o既，幾日後再問我，我只會再講一次，如果佢再唔記得，我講到明，我唔會再用客氣o既說話同佢講，希望今次傾完，對佢有幫助，佢會有所改善，如果唔係我就真係唔知點好la

一今朝起身知道打唔成風，真係有d失望呀，返到工一開e mail，就見到大陸j廠話有種油墨冇貨，要我安排送貨比佢o地，咁我就諗住回返個e mail比佢，叫佢o地比埋個倉存我睇，我睇下仲咩貨幫佢o地補貨啦，都未打完張e mail咋，大陸y廠就打比我，話j廠打比佢o地要佢o地送貨比j廠，又話周師傅應承左會送06年版o既pantone色冊比佢o地，真係聽到我把幾火，我o地都冇06年版，都只係得05年版，周師傅點會應承佢o地比佢o地喎，咁我就打電話比周師傅問清楚件事啦，點知我老闆聽電話，(我幫老闆起左個代號叫大冬瓜，因佢個身型好似大冬瓜)，之後我同佢o既對話係 :

大冬瓜 : 邊個
我 : 我想搵周師傅呀
大冬瓜 : 搵佢咩事，我係佢經理人，有咩同我講(正白痴仔，咩經理人喎)
我 : 我想同佢商量d野之嘛
大冬瓜 : 有咩就同我商量啦!
(真係過份呀，係咪我同佢商量d私事要話埋比大冬瓜知呀)
我 : 淨係想問下周師傅係咪應承左j廠比06年版pantone
大冬瓜 : 咁咪比囉(語氣開始差)
我 : (我d語氣都開始差)唔係話比就比呀，係我o地冇貨呀，咁點比呀
大冬瓜呢個時候就問周師傅，咁我都聽到周師傅話冇喎，但大冬瓜一直都冇比個電話周師傅聽，我都唔明，成日話唔想理呢Ｄ咁濕碎o既野，但今次就唔肯比個電話周師傅聽，自己就要理呢件事喎，最後就叫我唔好理呢件事喎。喂~~我點可以唔理呀，d貨我安排咖。

仲有有樣野，就係j廠o個班人send左個e mail比周師傅話好耐之前話左比我知，佢o地冇膠盒仔用，但我都仲未比貨佢o地，真係嬲到震呀，佢o地11號send e mail比我，我13號安排人由香港拎上大陸比佢o地，(因逢星期六大陸d同事先會返香港，我只可以o係呢個時候交貨比佢o地)，而15號已經安排送貨比j廠，咁又過左幾耐呀???只係幾日時間咋，都未到一個星期就話好耐，如果佢send左比d高層同大冬瓜o既，咪比人以為我做野好慢，辦事不力，簡直係陷我於不義呀，我嬲到叫周師傅send返左e mail鬧佢o地，但之後我仲係好嬲，所以自己再send  e mail去鬧佢o地，都唔知咩人o黎咖，嬲死我la

我終於可以將一部份o既野交比m小姐做，不過就有d激氣，因教佢o野又唔寫低，問佢明唔明，又話明，之後就將d野整亂哂，一係就將d野keep住唔比我，都唔知keep住做咩，我要佢做好比我check下先fax上大陸，但佢就唔知做咩，我check完比返佢，佢就hold住唔fax落去，都唔知做咩咖，成日要我催佢先肯比我，唉....唔知要點先可以令佢唔好keep住d野呢???
放工時老闆個秘書同我講話想抄k小姐喎，勁同我講k小姐幾唔掂，點幫唔到佢，又話老闆迫佢抄k小姐喎，問我如果抄左k小姐，我會點諗喎，唉.....如果真係覺得k小姐幫唔到佢咪抄囉，唔通我一句話唔好，佢就唔抄咩，始於k小姐唔係幫我做野，而係幫佢做野，咁我點可以幫佢決定喎，同埋如果k小姐真係冇改進，又咁唔聽話o既，咪抄囉，駛咩理其他人點諗喎，成日都係咁，做親咩衰o野就搵人認同佢o既做法先去做，之後就同其他人講話呀邊個邊個都認同咖，所以今次我唔會中招咖，一陣佢抄k小姐時，話我都認同佢咖，到時我就做左衰人咖la

公司好多野做，就o黎做到我傻la，星期六仲要做到成4點幾先可以收工，但仲未做完喎，真係唔知點算，做到4點時，諗住差唔多走啦，因未食飯，勁肚餓喎，點知比老闆叫左入房，講埋d無聊野喎，問我去泰國好唔好玩喎，又問我去左邊度玩喎，真係火都o黎埋，呢d野留返我得閒先講啦，明知我勁多野做，都仲要阻我時間咖喎，我答左佢2句，面都黑哂，之後問我仲咩個樣唔開心喎，問我係咪唔舒服，係咪有人激親我喎，我心諗咪你囉，仲問喎。之後又帶我去調墨房睇機器喎，又話d機有幾好用，用法點簡單呀，我塊面就越o黎越黑，真係阻我時間呀，呢d機器o既用法，我上次同佢上大陸時，佢咪講左比我聽囉，之後我就話我要走啦，佢仲問我仲咩咁早走喎，嘩~~~大哥，全公司冇哂人la，而且仲要係4點半la，最大問題係我未食飯咖，之後我去洗手間時，竟然見到洗手間地下度門d空隙見到我老闆個頭裝入o黎，真係嚇死我呀，好耐之前都已經試過一次咖la，好變態呀，我一出洗手間見到佢企o係門口喎，我即刻跑去搭升降機呀，佢仲要送我入升降機喎，正一變態佬呀~~~~我以後唔再一個人去洗手間la

我返o黎la~~~去左泰國旅行呀，由4月29日上機，到5月2日落機，一共去左4日3夜，呢次旅行簡直係一個購物團，每一日都係行街買野，所以每一日我都行到對腳勁累，累到好似唔屬於自己咁，不過d野真係好平，攪到我買左好多o野，一個旅行箱都放唔哂，要去買多個大袋放o野，我覺得最低就係飾物，d耳環同手鍊好平，仲要好靚，我買左好多o黎做手信，返到公司比同事時，個個都好鍾意，話好靚，我都好開心，而有一晚我o地去做spa喎，o個間叫grand spa，有專車接送，o係架車度我o地講左幾句，話個司機好似趕住收工咁，之後差唔多到時，我家姐就講左句 : hee~~到喇??點知個司機話 : 係呀~~到喇，我仲以為係我o地聽錯，到落車時，個司機竟然叫我睇頭喎(驚我個頭撞到個車門)，我就知道原來佢識講同聽中文，幾唔好意思呀，入到去揀做邊個spa時，又有個女技師用中文問，想做邊隻???即刻覺得幾有親切感呀，我o地揀左磨沙、牛奶spa同香薰按摩，當浸完個牛奶spa時，都覺得自己個身白左，之後香薰按摩時，佢幫我扭動腰部時，聽到幾聲啪啪聲，我不停咁叫哎呀，之後就o係度笑，個感覺好得意，整完哂就感覺到成個身好滑，仲好舒服，一個字~~~爽呀。真係想去做多次呀

今朝一早就要起身，因今日約左小學o既同學去釣魚，本來約左10點鐘，但有位男同學等極都唔出現，仲搵極都搵唔到，唔知發生左咩事，平時佢唔會咁，唔到都會講聲，希望佢冇事啦。
齊人後就起行去西貢釣魚，入到西貢勁凍呀，好大風，出到海仲大風，我o地由1點釣到5點，其間有2位同學都釣到大魚，我o地平時釣到o既只係手掌咁大條o既魚，但今次竟然可以釣到d大魚，不過實在太凍la，個個都凍到縮下縮下咁，都冇乜心機釣，上到岸即刻要飲返杯熱飲暖下個身，又因為個個都好凍，所以就決定去打邊爐，食完就各自回家~~~

唔知點解我隻右眼腫左，今朝都只係腫小小，而家好明顯，都唔知明天點見人.....

自從o個次辛苦到忍唔住喊後，工作量始終都冇變，我阿頭為左想知我做咩會喊，所以就浪費左我成個幾鐘o既時間，o黎問我有咩疑難，講左d比佢聽，點知佢就同老闆講返出o黎，搵屋尋日收左工後，老闆打電話o黎鬧我，話我攬住o黎做，叫我要交比大陸d同事跟，嘩~~~大佬呀，唔係我想攬住d野o黎做咖，只係冇人幫我，我亦唔知可以比邊個跟，仲有呀，之前係老闆叫唔好比大陸d同事跟d野咖，如果佢唔係咁講，我一早叫左佢o地做啦。今日又比老闆捉入房再鬧，我同佢解釋，點解唔比大陸同事跟係佢o既意思，佢即刻唔出聲喎，又話我冇用，咁易喊喎，小小事都可以喊，嘩~~~我都係頂唔順先喊o者，唔通發洩下都唔得咩???，又問我做左呢樣未，做左o個樣未?我得一對手咋，邊做得切呀，已經辛苦咖啦，唔體諒不特止，仲要鬧喎，之後就話機器d野唔駛我再跟，話我冇能力跟，我承認我真係跟唔到機器la，仲邊有時間跟，日日淨係做大陸2間廠d野都做到8-9點，仲點跟多一樣喎，好彩佢咁講，都叫做似返個人講o野，不過我就越o黎越憎我阿頭，唔知事情o既始末，就唔好講野比老闆知啦，成日都係咁，攪到我比老闆鬧喎。
我終於可以去旅行la，已經訂左今個月o既29號去泰國，去4日，同表哥、 家姐一齊去，我要盡情咁玩，要放鬆下，好期待呀~~~

不過為左可以玩得放心d，星期一我就要返公司清埋d文件，我諗我晚晚冇9點都唔駛收工la~~~~

真係唔知點解，日日返到公司，都總有野係好煩，好難解決，尋日仲要一早就有3單煩野，已經煩緊大陸冇貨，好頭痕，點知貨倉打比我，話香港有10箱貨成百幾公斤爛哂，話係入倉o個時見到一開個貨櫃，d貨已經倒塌，(個櫃係上個月21號入倉咖)，一早見到又唔同我講，而家隔左成半個月先o黎講，我要邊個賠錢呀，又唔影相比我睇喎，佢話係工廠包貨唔穩固，而家講咩都冇用啦，如果佢一早同我講，一早影左相比我睇，我都可以睇下o係邊度有問題，係工廠、船公司係運輸公司，而家可以同邊個講呀，就算有錯都唔認啦，真係激死我la，我忍唔住喊左出o黎，好辛苦呀，好大壓力呀，冇人可以幫我，大陸冇貨，又話我唔早d訂，我夠想早d訂啦，咁我d野做得切先得咖，我唔想做la，真係頂唔順la，好想休息下，而家個腦完全諗唔到野，好實呀。
今朝有個B先生同我講話大陸冇貨，叫我諗辦法，我點諗o者，咁工廠都話冇做得起，咁我有咩辦法喎，就o黎比佢o地迫到我跳樓死咖la，我真係好辛苦呀，有冇人可以幫到我???

公司一直都有分邊d人係受老闆得寵，邊d人係上緊位，邊d人正在失勢，有陣時得寵o既人好容易被正在上位o既人佔據位置，佢o地唔係有意搶去你o既位置，但如果稍一不慎，便會由高處墮下，跌到滿身傷痕，公司有不少例子，而我非常好彩，由3年前開始上位，到而家仲係公司得寵o個幾位o既其中一位，不過我都曾經跌過，可幸我可以及時起返身，不致於跌到起唔返身。不過其實我都冇乜做過d咩野去保住自已個地位

星期六，老闆同sales開會時，就用以下一段說話去鬧一個sales(中一)

老闆 : (指住中一)你都大膽la，連我個愛將都敢cut線，你唔好以為我唔識分是非黑白，除非出面個個女仔都屈你o者!

中一 : 咁如果wing做錯，咁都唔可以鬧呀??

老闆 : 佢做錯o既，我自然會鬧佢，唔駛你o地其他人鬧

事緣係有一次中一打比我，叫我送貨比客，但我發覺佢講錯野比個客聽，同中一講返之際，佢竟然態度勁差咁話我，仲cut我線。聽完老闆咁鬧佢，我條氣都順返，同埋聽完老闆咁講，即刻覺得自己個地位高左d，起碼阿姐同賤人聽到，都唔會成日對我無理取鬧，有時覺得老闆對我好好，有時又覺得佢好衰喎，係咪每個老闆都係咁咖呢???

由星期一開始r小姐開始接手學shipping後，大陸d野就全部交返比我自己跟，真係忙到停唔到手，每晚冇8點都唔可以收工，已經勁忙，仲要比老闆無理取鬧，勁嬲呀，如果我o個樣野一早知道，而都做錯o既，我覺得自己係非常抵鬧，但o個樣o野係我唔知o既，咁點解仲要鬧得我咁金，仲要當住咁多人面前鬧我，最衰o既就係之後叫我入佢房問我係咪嬲喎，叫我唔好嬲，不知所謂呀!

前日又比我發現倉d人做錯野，已經唔只第一次咖啦，仲要錯得咁過份喎，盲咖咩，咁都執錯貨，仲要係成卷膠布上埋大陸，要運返落o黎同再要送返卷o岩o既膠布上大陸，運費都差唔多成千蚊，成日都做錯野，唔通真係要扣佢o地錢先至識得小心???

今日就要幫同事執檯，執左半日，執到我腰骨勁痛呀

尋日o係9度o既寒冷天氣之下，我晨早就同g小姐返上大陸，皆因大陸班人攪到個倉d數亂哂，所以我就親自上去點一次，重新整理條倉數，不過大陸真係凍d，凍到我雙手好似冰條咁。一個上午就已經攪掂哂，食完飯坐到差唔到3點，就搭火車返深圳，見時間尚早，就行左陣羅湖商業城，我同g小姐去睇咩叫A貨，嘩.....睇到有D真係好似咖，之後就去睇下有冇運動褲買啦，點知要成$150/條，仲貴過香港呀，真係當我o地係水魚咩?

因尋日上左大陸，所以今日勁多野做，而一早我阿頭就比左封信我，初時都唔知係咩，原來係加人工喎，打開封信睇到自己加左6%，都幾開心，原先收到風話今年只會加3%咋，仲要唔係個個有得加，所以見到有6%都幾驚喜，不過衰就衰在自己身體唔好，成日請假，所以加唔到多d，希望老闆下年加多d啦，之後我阿頭同我review時，仲讚我，話我跟野跟得好足，加左樣新野比我做後，我都可以攪得掂，同埋大陸2間廠都攪得好好，唔駛老闆操心，聽到呢d讚賞，我個人仲開心，証明我係做得野咖，仲要做得掂。但收工時我阿頭同我講件事，攪到我個心都好忐忑不安，係尋日老闆派3個同事左試墨，點知試衰左，最幤係在場人仕係幾間大行o既人，同埋唔係我o地d墨有問題，而家試機o個個人落多左水，所以先攪衰左我o地d貨，而呢3個同事冇盡力去解釋點解會衰左，唉.....咁衰法行內一定傳得好快，我o地辛辛苦苦建立返o黎o既野，會就咁毀於一旦，而老闆亦不停自責，係自己決定錯誤，點解自己唔去，點解唔叫埋師傅去，聽到老闆咁講，真係唔知點咁，平時老闆唔會咁咖，今次真係好大獲，希望老闆快d冇事啦，亦希望呢件事可以盡快過去啦!

尋日臨收工時知道左一個秘密消息，唔知係好定壞，就係shipping部門j先生會唔做，嘩~~j先生雖然做得唔好，但都起碼全部野知道哂，如果j先生走，咁y小姐可能就會最o黎最衰，不過亦都可能y小姐會一齊唔做，因其實y小姐冇乜用，冇左j先生睇住，y小姐實做唔掂。今朝返到工就見到老闆捉左r小姐入房傾左好耐，之後就知道原來老闆想調r小姐入shipping部做j先生d野，我同g小姐聽到，幾替r小姐開心，覺得呢個係一個機會，同埋係變相升職，但p小姐就為左呢件事唔開心，其實我覺得如果係想r小姐好o既，點解唔替佢高興呢?唯一p小姐唔高興o既就係r小姐咁調法，就唔再under p小姐，個位仲要高過佢，所以唔開心，p小姐不停咁話係因為老闆做得唔o岩，點解唔一齊同咁多個人講，而係同左r小姐講完先至同佢講，又話shipping部有問題，應該請返個人做shipping，唔應該調佢部門d人，我又覺得咁老闆都要問下當事人想唔想咖嘛，咁如果當時人唔想o既，就邊個都唔駛講啦，仲有有好多公司都係咁咖啦，有職位空缺，仲要係咁重要o既一個位，梗係o係內部調人做咖啦，如果請個新人做，點知做唔做得掂，同埋r小姐原本個位係好容易就請到人做，因為都只係customer service之嘛，講到尾p小姐都介意r小姐調走，而家攪到r小姐唔知點咁，不過如果r小姐真係調走左，我pass比佢做o既野，就要拎返o黎自己做，到時我有再辛苦過la.......

早幾日阿姐同我講話sale n個客要訂膠布，話要o係國內做貨送喎，叫我安排啦，咁我就叫左大陸d同事送卷膠布比加工廠加工啦，到星期六sale n問我d膠布o係香港上左貨未???我就抓哂頭，乜唔係大陸做咩，關香港咩事呢???之後佢話比我知係香港要清貨，所以先要香港上貨，咁我就即刻打電話hold住卷膠布唔好整住啦，之後就即刻問阿姐啦
我 : 阿姐呀，sale n個客d膠布點呀???
阿姐 : o係大陸做嘛，送左未呀???
我 : 我hold住左，因sale n話d貨要o係香港上
阿姐 : (態度開始差)咩香港上呀，咁佢個客係交大陸咖嘛，梗係大陸做啦
我 : 但sale n話要香港清貨喎
阿姐 : (態度勁差)咩清貨呀，你唔好理佢啦，照做啦
我 : 真係做咖嘛，我叫佢o地做咖la喎
阿姐 : 係呀，做啦

咁我就打返比大陸同事話唔駛hold啦，o個時係早上10點幾，點知阿姐o係12點幾走去同r小姐話話大陸o個邊唔駛做la，要香港上貨喎，我聽到就真係火都o黎埋，即刻要打去加工廠話hold住唔做喎，好彩真係未做o者，做左o既又長期擺啦，仲要浪費左佰幾蚊o既運輸費呀!最衰o個樣就係佢唔覺得自己有問題咖喎，好心佢啦，唔知就問清楚啦，唔好以為自己係經理就乜都係o岩，成日判斷錯誤，又冇記性喎，咩都唔記得喎，有事要佢跟又唔跟，咩都唔做喎，有鑊la就係咁瀉喎，不知所謂呀!嬲死我la

點解大陸每日都會發生事，仲要係大件事，真係激到我就o黎嘔血!尋日下午我fax左訂單比大陸，叫佢o地做貨啦，話星期五要交貨比客，佢o地尋日就5點幾話比我聽做唔切，有成日幾呀，點會做唔切喎，好啦今朝佢o地又打比我，同我講話有隻油墨有粒子，同其他野溝唔混，我就叫佢抄個批號比我，佢就不停咁話同之前做o個d一樣囉，我夠知同之前o個d一樣啦，但個問題係我唔知批號，咁我點同供應商講喎，佢o地點都唔肯去睇批號，咁算啦，叫佢用大機磨下d墨，又話多野做，話如果用大機就下午起唔到貨，真係激死我，我就叫佢明天朝早要做起，佢先話 : 好啦，就用大機啦!好似o係度講價咁，再係咁，我真係命都短幾年呀!

今朝返工時太趕急，落樓梯時唔小心kick親喎，差d碌落樓梯呀，好彩及時扶到野，如果唔係都唔可以想像，不過都好似整親隻腳踝，成日好似扯住扯住咁痛。

不知所謂呀，大陸有個客講明每次收貨都要比証書，張証書仲要註明批貨o既生產日期及批號，咁個客係阿姐o既，都叫做大客，上次個客已經話d貨有問題，退左2次，講到明話再有問題就連供應商都換埋，咁梗係要小心d去處理呢個客咖啦，點知阿姐條o靚y小姐同r小姐講話上次份証書錯左喎，都算la，唔錯都錯左，咁就叫y小姐同阿姐講返，叫阿姐睇下有咩解決方法，y小姐竟然一句忙話唔做喎，話如果有問題o既個客自然會打比阿姐或者搵r小姐，我聽到就真係火都o黎呀，咁不負責任o既，張証書係y小姐做o既，做錯左係咪要搵野去補救呀，之後我就發火咁鬧y小姐，講比佢知個嚴重性，佢先至肯同阿姐講。好啦個客又落單la，r小姐就問y小姐份新o既証書整好未，y小姐話比左阿姐睇，但未簽出o黎，r小姐就叫y小姐去問阿姐幾時簽出o黎啦，點知y小姐又唔肯喎，要同佢講話個客要訂貨la，好趕急呀，佢先話會問阿姐喎，我就即刻打比阿姐，諗住同佢講啦，仲有講埋批號同生產日期，點知阿姐講緊電話，我就同j先生講啦，話大陸o個份貨冇批貨同生產日期，問佢點算啦，j先生完全幫唔到手，咁我就等阿姐打返電話比我啦，等左一個鐘，阿姐先覆我電話，咁我就同佢講份証書得未啦，佢就話得la，已經比左y小姐，y小姐會比r小姐，咁我再想講話冇批號時，阿姐竟然同我講話 : 好忙呀，好多野都好急呀，等我整好d野先再搵你啦~嘩......離譜咖，淨係得你個部門多野做，淨係得你個部門有野急呀，一句咁講就可以咩都唔駛做呀，發神經~我真係好嬲，算....個客係佢o既，佢自已唔緊就算，不過我真係好唔妥佢o地o既工作態度，大o既係咁，細o既都係咁，一句好忙就大哂咁，成間公司個個都忙咖啦，我每日做到成7-8點，佢o地就6點鐘準時收工，邊個忙d呀?

遲左同大家講，不過相信大家都過左個快樂o既情人節。
尋日我公司12點幾就有花送到比k小姐，佢勁開心呀，係粉紅鬱金香，好靚呀，之後s先生就話冇訂花，話個女仔話唔好送喎，佢真係蠢呀，通常女仔都係講反話，話唔好送、唔想要喎，就即係想收到咖啦，仲要呢個女仔仲未係s先生o既女朋友喎，咁呢d日子就梗係要送啦，所以佢即刻打電話去訂花，佢同我講話訂左紅玫瑰，我就同佢講話 : 唔好送紅色玫瑰呀，好老土。咁佢就改左粉紅色玫瑰，食lunch時大家o係度討論第二扎花會邊個收到呢?當2點幾又見到有花送o黎la，係紅玫瑰，之後我就聽到有同事叫我個名出去收花，當時我好開心，但見到係紅玫瑰就有d唔開心，因我其實講過唔鍾意紅玫瑰的，之後仲比s先生串我tim，不過我都係開心o既，其實尋日許生已經問我返唔返工，我都覺得出奇咖la，原來佢一早就有安排!

真係激死我，尋日阿姐同我講，話有個客發現一箱貨裡面，有一罐罐o既表面好污糟，話可能係工人入罐時，抹唔乾淨，要我同supplier講喎，其實我覺得冇乜大不了，因為都只係得一罐係咁，不過算，我都照佢意思，寫左封信fax比supplier，大致內容係話有咁o既情況，叫佢o地下次出貨時唔好再有此情況發生。咁樣我已經覺得足夠，但今日阿姐問我o個罐o野點處理喎，咁我話比調色部做左佢，點知阿姐好大反應，問我supplier有咩回應，我話冇呀，佢之後話supplier未回應之前係唔可以郁罐野，話要退返比supplier，我即刻問佢一罐點退呀，如果數量多就話退o者或者罐野係好貴o既就退，但得一罐咋，而且仲要係三十幾元咋，唔係用成舊水運費去退嘛，之後同我講話唔退都要影相。我仲覺得多餘，點解要將小事化大呢?呢間supplier我o地公司都有股份咖，而且呢間supplier o既經理周總好煩咖，唔係為左一罐野去攪咁多野嘛，其實我覺得寫fax已經好肉酸咖la，仲叫我影相或者退貨喎，即係想我去送死o者，個周總實煩死我，一定會話 : 阿wing唔係嘛，一罐咁少，你走o黎話我呀?我都覺得唔好意思。最嬲o既就係，阿姐有d貨係壞貨，成批都係衰o既，又唔見佢退比supplier，不知所謂!
我最後都費事理佢呀，如果我真係照佢咁講，我一定比老闆鬧梗呀

發覺大陸d人有d欺善怕惡，定係可以話佢o地係官僚呢?星期一我病左冇返工，咁r小姐就幫我跟d野啦，點知有問題發生左，要去解決喎，咁r小姐叫佢o地要點做啦，但冇人聽喎，仲諸多意見，所以r小姐逼於無奈打電話比我，話我知有件事發生左，但就冇人聽佢講，我聽到後個頭就更加痛，即刻同r小姐講叫大陸d同事打電話比我，佢o地打到電話o黎，我就即刻問佢o地而家個情況點，之後叫佢o地即刻要點做，佢o地冇再諸多意見，其實我講o個d野同r小姐講o個d野咪一樣，係要我唔舒服都要話佢o地，我都冇氣鬧佢o地呀

好彩今日冇咩野做，如果唔係我諗我好多野都會做錯，因我個頭仲係咁暈，都唔想做野，希望食完d藥會好d啦!

祝大家新年發大財，個個人見人愛，車見車載，搵多d，公司加多d人工，最緊要係開開心心!

話咁快就到初七，要正式返工la，真係唔想返工，好彩都係得半日o者，呢個新年我差唔多日日都有賭錢，同屋企人打麻雀啦，同同事玩啤牌同大細、魚蝦蟹、打麻雀，我除左同屋企人打牌有贏之外，其如都係輸，同同事玩大細仲慘，真係黑仔到冇人有，我做莊，有同事買17點，係1賠10咖，好冷門，根本就好難中，但我竟然搖到17點，個同事仲要買左$2，我就要賠$100，玩踼龍門又成日中柱喎。今年犯太歲就真係黑仔呀，都唔明點解我年年都會犯太歲咖，淨係上年冇犯到之外，差唔多年年都有份，所以我尋晚即刻帶返隻馬o係身，希望唔好再咁黑仔啦!!!

今日真係激死我la，食飯前就嬲到個頭出煙，食完飯後就嬲到噴火，好嬲呀!都係因為f先生，而家我o地改左個花名比佢，叫死肥o都。

死肥o都 : 你成日同老闆o係公開場合度打情罵肖

我 : 你邊隻眼見到我同老闆打情罵肖呀?

死肥o都 : 唔只我一個睇到，仲有c生都睇到，o係年夜飯o個晚，老闆成日都wing前wing後喎，聽到都打冷震呀!雖則你係被動!

我 : 嘩~~咁都叫做打情罵肖呀???我唔覺囉，每個人觀點與角度都唔同，我唔需要你去點睇囉!同埋我覺得你對打情罵肖個意思誤解左囉。

老闆不嬲都係咁講野咖啦，又唔只對我一個喎，咁都叫打情罵肖呀?仲有呀如果我應返老闆o既，就話係打情罵肖o者!佢直係不知所謂呀，我係女仔o黎咖，咁樣o黎講我，咩清白都比佢毀哂。

食完飯死肥o都又問我d貨送左去北京未，咁我話要問下啦，點知未到喎，我就了解返點解d貨仲未送到啦

死肥o都 : 點解唔用通成呀(貨運公司)，老闆初七就要上個客到試墨la，到時冇墨試就大鑊

我 : 我唔知點解唔用呀，又唔係我安排o既，係大陸班同事安排咖嘛，我亦安排好叫個貨運一定要o係初一先送到貨比個客，而亦同個客傾好，叫佢初一安排人收貨。

死肥o都 : 唔得你快d話比老闆知，等老闆有所準備(老闆今日放假，去左旅行)

我心諗駛唔駛話比老闆知呀，一來老闆去左旅行，一講比老闆知，佢咩心情都冇哂啦，二來我問過s生，佢同老闆2月5日先上北京，佢o地2月4日都會返工，如果初一d貨真係送唔到o既，到時2月4日再安排s生親自拎上去都未遲啦，點知.....死肥o都寫左張紙比s生同老闆，話東莞d貨遲左送貨，有機會趕唔切佢o地上去o個時試，所以建議s生拎定貨上機喎。我見到張紙就真係噴火呀，佢咁樣即係咩意思呀，佢寫o個d資料都係我比佢咖，佢咁樣叫領功呀?定係篤我呀?我真係嬲到即刻同我阿頭講，阿頭叫我唔好咁嬲，話其實死肥o都係補鑊先會咁快寫左咁o既紙比老闆，因今日老闆問我阿頭d貨送到未，我阿頭就即刻死肥o都，佢好快咁答話送到la，而阿頭就答左老闆，所以死肥o都係要補鑊，但我真係好嬲，邊有d咁o既人咖，仲話升到做經理喎，簡直不知所謂呀。走去同c生講話我做野唔掂，但唔明老闆點解咁鍚我，話唔公平喎，係咪低能咖佢，唔公平喎，我夠覺唔公平啦，有咩理由因為要升s生就要升埋死肥o都喎，如果真係唔公平o既，就係升我唔係升佢啦，仲有佢話唔公平嘛，佢咪變性做女人啦，咁鍾意爭竉，變態咖!

尋日我病左冇返工，點知就發生左一件事，呢件事令到老闆嬲到係咁講粗口鬧人，仲要捉左幫我做野o既r小姐同埋f先生去問話，仲叫f先生做份report比老闆喎，件事係咁o既 : 一早b生就問r小姐，佢個客o既報價單出左未?r小姐搵唔到喎，就打比我問啦，仲話b生話星期六已經e mail左比我，咁我真係冇收到，叫b生再fax比我睇下先，b生仲話要改價錢喎，個價錢係好低，同一隻低級d o既貨品係同價，根本冇可能可以報呢個價比客，r小姐打比我問我批唔批，我梗係話唔批啦，點知b生話勁急喎，唔可以等我返工先攪喎，我就叫佢自已問老闆啦，佢就即刻問老闆喎，老闆問返佢低級d o個隻貨報左幾多錢，b生竟然答唔到，老闆就勁嬲，再問佢點解會報呢個咁低嘅價，b生又答唔到，老闆就忍唔住用粗口鬧佢，我都覺得佢係抵鬧咖，有咩理由唔做好準備就去問老闆喎，老闆仲話係因為我冇返工，b生先會比佢鬧到咁甘，如果我o係度就一早幫b生擋哂，因去到我到，我一定唔會批呢個價，根本去唔到老闆度。

下午f先生就打比我問我知唔知b生報個價點o黎，我都冇返工又點會知呢?仲有個報價點o黎係咪應該問返b生呀，之後同我講話r小姐唔知點答o野喎，仲要話我d人唔知點做野，我幾嬲呀，f先生仲叫我唔好話返r小姐喎。我今日一返工就即刻問r小姐，尋日佢點同f先生講野，我聽到r小姐講o既野，係同f先生講o既野係完全唔同，咁我就同f先生講啦，話我了解左成件事，發現大家講野都有出入，所以想大家三口六面講清楚，唔好大家誤會大家，點知f先生唔肯喎，話冇必意咁做，我話因為佢話左句說話話我d人唔知點做野，所以我一定要攪清楚，f先生叫我唔好緊張喎，話佢完全唔當係一回事，死都唔肯當面對質，擺明係自已有問題先唔敢當面對質，正一cheap 精，見人就講人話，見鬼就講鬼話!

呢排我勁忙呀，每日都要做到成8-9點先可以收工，但仲要係未做完d野咖喎，今個星期仲要上左2日大陸，d野就越積越多，真係做到冇得停。呢排公司都發生左d事，有開心有唔開心，好似老闆上個星期開會話佢會攪機械，話個個都唔比跟，要我跟喎，聽到都唔知開心定唔開心好，開心o既係佢咁睇得起我，唔開心係而家已經勁多野做，再做埋機械喎，我到時都唔知會幾點先收到工，仲要上大陸，而家已經話每個星期都要上2日大陸咖啦，到時都唔知要唔要3-4日tim。之後又為左唔想老闆操心，所以幫佢做左d野，點知又比佢鬧，真係好無辜!

而18號就同老闆上大陸睇間機械廠，嘩.....個環境係好差，仲叫我下次自己一個女仔過o黎喎，真係驚驚地呀。19號就上大陸同大陸d同事食年夜飯，我做司儀兼做其中一個抽獎嘉賓，成晚都好開心，我仲比人敬酒，咁就飲左2杯酒，好彩我都唔係唔飲得咖o者。20號到自己香港公司食年夜飯，今年公司有2個遊戲玩，大家都玩得好開心，而我都抽到第4獎，有$700，之後老闆又再拎錢出o黎再抽，我亦抽多$300，即我有$1000。21號臨收工前老闆又比左封利是我，佢年年都有比利是我咖，話比我做壓歲錢喎，每年佢都會比$2000我，今年我一打開封利是見到有$4000喎，勁開心呀，唔知多左o個$2000係咪bonus呢???

今日都就到總公司食年飯，不過我就冇咁好彩，一個獎都抽唔到，而我o地間公司派13個同事出席，有7個人都收到獎，我都替佢o地高興，希望下年我都有份抽到獎啦!